প্ৰধানমন্ত্ৰী মোদীলৈ APPCৰ সভাপতি ৰিপুণ বৰাৰ ছয়টা প্ৰশ্ন

প্ৰধানমন্ত্ৰী মোদী আজি পুনৰ অসমলৈ আহিছে৷ চিলাপথাৰলৈ আহিছে প্ৰধানমন্ত্ৰী নৰেন্দ্ৰ মোদী ৷ ইয়াৰ পূৰ্বে অসম প্ৰদেশ কংগ্ৰেছ কমিটীয়ে পুনৰ ছয়টা প্ৰশ্ন কৰিলে প্ৰধানমন্ত্ৰীলৈ ৷ APPCৰ সভাপতি ৰিপুণ বৰাই গুৱাহাটীৰ ৰাজীৱ ভৱনত এক সংবাদমেল আয়োজন কৰি ক'লে-  “চিলাপথাৰৰ ৰাজহুৱা সভাত ভাষণ দিয়াৰ পূৰ্বে ছটা প্ৰশ্ন প্ৰধানমন্ত্ৰীলৈ কৰিছো৷ ৰাজহুৱা সভাত প্ৰধানমন্ত্ৰীয়ে আমাৰ প্ৰশ্নকেইটাৰ উত্তৰ নিদিলে দুই বজাত মহাজোঁটৰ সংবাদমেলত পুনৰ প্ৰশ্ন কৰিম৷”
APPCৰ সভাপতি ৰিপুণ বৰাৰ ছয়টা প্ৰশ্ন-
১) অসমলৈ অহা প্ৰধানমন্ত্ৰীয়ে অসমবাসীক উত্তৰ দিয়ক- CAAক কিয় জনমতক আওকাণ কৰি আনিলে? অসমবাসীক কিয় অসন্মান কৰিলে?

২) অসমত ২৫ লাখক চাকৰি দিম বুলি কৈছিল৷ কেৱল ৮০ হাজাৰকহে চাকৰি দিব পাৰিলে৷ ৯৭%ক চাকৰি দিব নোৱাৰিলে৷
৩) ছয় জনগোষ্ঠীক জনজাতিকৰণ কৰাৰ প্ৰতিশ্ৰতিৰ কি হ'ল? কেতিয়া জনজাতিকৰণ হ'ব? ৰাজহুৱা কৰক ৷

৪) চাহ শ্ৰমিকৰ দৈনিক মজুৰি ৩৬৫ টকা কংগ্ৰেছ চৰকাৰ আহিলে দিব বুলি কৈছে আমাৰ নেতা ৰাহুল গান্ধীয়ে৷ ইয়াৰ পিছতে সোণোৱাল চৰকাৰে ৫০ টকা বৃদ্ধি কৰা হ'ব বুলি ঘোষণা কৰে৷ আমাৰ চৰকাৰ আহিলেই ৩৬৫ টকা দিম৷ BJP চৰকাৰে চাহ শ্ৰমিককলৈ ৰাজনীতি কৰিছে৷
৫) অত্যাৱশ্যকীয় সামগ্ৰীৰ দাম আকাশলংঘী হৈছে৷ পেট্ৰ’ল-ডিজেল, গেছ আৰু জীৱনদায়িনী ঔষধৰ দাম সাংঘাতিকভাৱে বৃদ্ধি পাইছে৷ এই অত্যাৱশ্যকীয় সামগ্ৰীৰ দাম কমাবনে? কিয় আকাশলংঘী হৈছে দামৰ? যুক্তি দিয়ক৷

৬) আন্তৰ্জাতিক বজাৰত সাৰুৱা তেলৰ মূল্য হিচাপত ভাৰতত প্ৰতি লিটাৰ পেট্ৰলৰ দাম হ'ব লাগে ত্ৰিশ টকা৷ সেই পেট্ৰ’লৰ দাম কিয় ইমান বঢ়াইছে৷ উত্তৰ দিয়ক প্ৰধানমন্ত্ৰীয়ে৷