সংসদত কাগজ কল প্ৰসংগ : অসমৰ দুই কাগজ কল পুনৰ কাৰ্যক্ষম কৰাৰ দাবী ৰিপুণ বৰাৰ

News18 Assam | News18-Assam
Updated:September 15, 2020, 7:12 PM IST
সংসদত কাগজ কল প্ৰসংগ : অসমৰ দুই কাগজ কল পুনৰ কাৰ্যক্ষম কৰাৰ দাবী ৰিপুণ বৰাৰ
বৰাই বেতনৰ পৰা বঞ্চিত হোৱা বিষয়া তথা কৰ্মচাৰীৰ ৭০ জনৰ ধন আৰু চিকিৎসাৰ অভাৱত মৃত্যুৰ হোৱাৰ বিষয়টোও উত্থাপন কৰে।

বৰাই বেতনৰ পৰা বঞ্চিত হোৱা বিষয়া তথা কৰ্মচাৰীৰ ৭০ জনৰ ধন আৰু চিকিৎসাৰ অভাৱত মৃত্যুৰ হোৱাৰ বিষয়টোও উত্থাপন কৰে।

  • News18 Assam
  • Last Updated: September 15, 2020, 7:12 PM IST
  • Share this:
আজি ৰাজ্যসভাৰ শূন্যকালত কংগ্ৰেছ সাংসদ ৰিপুণ বৰাই অসমৰ মৃতপ্ৰায় কাগজ কল দুটা পুনৰুদ্ধাৰ কৰিবলৈ দাবী উত্থাপন কৰে। ৪৫ মাহে বেতনৰ পৰা বঞ্চিত বিষয়া আৰু কৰ্মচাৰীসকলৰ দৰমহা মোকলাই দিয়াৰ দিশত সংশ্লিষ্ট মন্ত্ৰণালয়ক বিহিত ব্যৱস্থা গ্ৰহণ কৰিবলৈ আহ্বান জনায় বৰাই।

নিজৰ ভাষণত বৰাই কয় – “আমি আমাৰ দুটা কাগজ কল বন্ধ কৰি থৈছোঁ আৰু চীন দেশৰ পৰা কাগজ আমদানি কৰিছোঁ; এই কাম প্ৰধানমন্ত্ৰীৰ আত্মনিৰ্ভৰ ভাৰত গঢ়াৰ সপোনৰ অন্তৰায় হৈছে।“

বৰাই বেতনৰ পৰা বঞ্চিত হোৱা বিষয়া তথা কৰ্মচাৰীৰ ৭০ জনৰ ধন আৰু চিকিৎসাৰ অভাৱত মৃত্যুৰ হোৱাৰ বিষয়টোও উত্থাপন কৰে। তেওঁ কয় – মৃত্যু হোৱা ৭০জনৰ লোকৰ ভিতৰত তিনিজনে আত্মহত্যা কৰিছে। আৰু কাগজ কল দুটা বন্ধ হৈ থকাৰ ফলত প্ৰায় ২ লক্ষ লোকে প্ৰত্যক্ষ বা পৰোক্ষভাৱে নিয়োগ হেৰুৱাইছে।

উল্লেখযোগ্য যে অহা ছেপ্টেম্বৰৰ ২১ তাৰিখে দিল্লীৰ National Company Law Tribunalত কাগজ কালত গোচৰটোৰ শুনানি হ’ব। পাঁচগ্ৰাম আৰু জাগীৰোড কাগজকলৰ বিষয়া তথা কৰ্মচাৰী সকলে এই শুনানিত চৰকাৰৰ হস্তক্ষেপ দাবী কৰিছে।
Published by: Sanjay Kumar Das
First published: September 15, 2020, 7:12 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading