உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • Tragic story : ৰঙিয়া ষ্টেচন চৌহদত অমানৱীয় কাণ্ড! চিকিৎসালয়ৰ সন্মুখতে মৃত্যু যন্ত্ৰণাত ছটফটাই থকা যুৱকে চিকিৎসা নেপাই সাৱটিলে মৃত্যুক

    Tragic story : ৰঙিয়া ষ্টেচন চৌহদত অমানৱীয় কাণ্ড! চিকিৎসালয়ৰ সন্মুখতে মৃত্যু যন্ত্ৰণাত ছটফটাই থকা যুৱকে চিকিৎসা নেপাই সাৱটিলে মৃত্যুক

    দুৰ্ঘটনাগ্ৰস্ত হৈ মৃত্যু যন্ত্ৰণাত ছটফটাই থকা যুৱকক 'এয়া পুলিচ কেছ' বুলি কৈ চিকিৎসা কৰিবলৈ অমান্তি হয় ৰে'লৱে হস্পিটাল ।

    দুৰ্ঘটনাগ্ৰস্ত হৈ মৃত্যু যন্ত্ৰণাত ছটফটাই থকা যুৱকক 'এয়া পুলিচ কেছ' বুলি কৈ চিকিৎসা কৰিবলৈ অমান্তি হয় ৰে'লৱে হস্পিটাল ।

    দুৰ্ঘটনাগ্ৰস্ত হৈ মৃত্যু যন্ত্ৰণাত ছটফটাই থকা যুৱকক 'এয়া পুলিচ কেছ' বুলি কৈ চিকিৎসা কৰিবলৈ অমান্তি হয় ৰে'লৱে হস্পিটাল ।

    • Share this:
      ৰঙিয়া ষ্টেচন চৌহদত সংঘটিত হৈছে এক অমানৱীয় কাণ্ড । দুৰ্ঘটনাগ্ৰস্ত হৈ মৃত্যু যন্ত্ৰণাত ছটফটাই থকা এজন যুৱকক চিকিৎসা কৰিবলৈ অমান্তি হোৱাৰ অভিযোগ উত্থাপন হৈছে ৰে'লৱে হস্পিটালৰ বিৰুদ্ধে। যাৰ বাবে যুৱকজনৰ মৃত্যু হয় বুলি পৰিয়ালৰ লোকে অভিযোগ কৰে । আনকি সংকটজনক অৱস্থাত নলা এটাত পৰি থকা যুৱকজনক অন্য চিকিৎসালয়লৈ নিয়াৰ ক্ষেত্ৰতো বাধা প্ৰদান ৰে'লৱে হস্পিটালৰ স্বাস্থ্য কৰ্মীয়ে। ৰে'লৱে হস্পিটালৰ এনে অমানৱীয় কাণ্ডত ক্ষুব্ধ হৈ পৰে স্থানীয় ৰাইজ ।

      মৃত যুৱকজন হৈছে ৰঙিয়া ষ্টেচন ৰোডৰ ৩০ বছৰীয়া যুৱক অনুকূল দাস । মৃতকৰ মাতৃ আৰু পত্নীয়ে অভিযোগ কৰা মতে পুৱা ঘৰৰ পৰা ওলাই অহা অনুকূলে ৰঙিয়া ৰে'লৱে পলিক্লিনিক হস্পিটালৰ সমীপত হঠাৎ অসুস্থ হৈ এটি নলাত পৰি যায় । এই বিষয়ে পৰিয়াল অৱগত হোৱাত ততালিকে যুৱকজনৰ মাতৃ আৰু পত্নী দুৰ্ঘটনাস্থলীত উপস্থিত হয় । মাতৃ আৰু পত্নীয়ে সংকটজনক অৱস্থাত যুৱকজনক তাৎক্ষণিক চিকিৎসা প্ৰদানৰ বাবে সমীপতে থকা হস্পিটালৰ কৰ্তব্যৰত স্বাস্থ্য কৰ্মীক বাৰম্বাৰ কাকূতি মিনতি জনায় । কিন্তু হস্পিটাল কৰ্তৃপক্ষই 'এয়া পুলিচ কেছ' বুলি চিকিৎসা কৰিবলৈ অমান্তি হয় ।

      আনকি মাতৃয়ে ৰে'লৱে হস্পিটালখনলৈ গৈ হাতযোৰ কৰি অসুস্থ পুত্ৰৰ চিকিৎসাৰ বাবে কাকূতি-মিনতি কৰে । তৎস্বত্বেও যুৱকজনৰ চিকিৎসা কৰাৰ পৰা বিৰত থাকে । ইয়াৰ পিছত অসহায় মাতৃ আৰু পত্নীয়ে এখন ই-ৰিক্সাৰে সংকটজনক অৱস্থাত যুৱকজনক অন্য হস্পিতললৈ নিব বিচাৰে যদিও ৰেলৱে হস্পিটাল কৰ্তৃপক্ষই বাধা দিয়ে । 'এয়া পুলিচ কেছ' বুলি কৈ পুনৰ বাধা দিয়াত মাতৃয়ে নিজৰ পুত্ৰক সংকটজনক অৱস্থাত চাই ৰখি থাকিব লগা হয় ।

      ইয়াৰ কিছু সময় পিছতে যুৱকজনে মৃত্যুক সাৱটি লয় । ৰে'লৱে বিভাগৰ এনে অমানৱীয় কাণ্ডৰ বাবেই যুৱকজনৰ মৃত্যু হোৱা বুলি মাতৃ আৰু পত্নীয়ে অভিযোগ কৰে । ততালিকে উপযুক্ত চিকিৎসা লাভ কৰিলে হয়তু যুৱকজনৰ জীৱন ৰক্ষা পৰিলহেঁতেন বুলি আক্ষেপ প্ৰকাশ কৰে পৰিয়ালে । ইফালে একমাত্ৰ উপাৰ্জনকাৰীজনক হেৰুৱাই শোকত ভাগি পৰিছে মাতৃ আৰু পত্নীৰ লগতে কণমানি পুত্ৰ থকা পৰিয়ালটো। ঘটনা সন্দৰ্ভত দণ্ডাধীশৰ উপস্থিতিত ৰঙিয়া আৰক্ষীয়ে তদন্ত আৰম্ভ কৰিছে ।
      Published by:Manjumoni Borah
      First published: