বন্ধ কুঠৰীৰ পৰা ওলাল ৰাকেশ পাল ! ৬ বছৰ ৪ মাহৰ অন্তত মুক্ত আকাশৰ তলত ৰাকেশ পাল ...

ভঙাগড় আৰক্ষী থানাৰ কৃষি বিষয়া নিযুক্তি কেলেংকাৰীৰ গোচৰৰ জামিন লাভৰ লগে লগে মুক্ত আকাশৰ তললৈ আহিল অসম লোকসেৱা আয়োগত বক্ৰ পথেৰে চাকৰি ক্ৰয় বিক্ৰয় কৰাৰ অভিযোগত অভিযুক্ত ৰাকেশ পাল ৷

শুকুৰবাৰে বিশেষ আদালতত জামিন লাভ কৰিলে যদিও যাৱতীয় নথি পত্ৰৰ কাম সম্পন্ন কৰি মঙ্গলবাৰে কেন্দ্ৰীয় কাৰাগাৰৰ পৰা ওলাল ৰাকেশ পাল ৷ প্ৰাক্তন মুখ্যমন্ত্ৰী সৰ্বানন্দ সোণোৱাল চৰকাৰৰ দিনত পোহৰলৈ অহা APSC দুৰ্নীতি অভিযোগত কাৰাগাৰলৈ গৈছিল ৰাকেশ পাল ৷ সেয়া প্ৰায় ৬ বছৰ ৪ মাহ সময় অতিক্ৰমৰ অন্তত জামিন লাভ কৰি মুকলি আকাশ তললৈ ৰাকেশ পাল ৷ জামিন লাভ কৰি কাৰাগাৰৰ পৰা ওলাই ৰাকেশ পালে সংবাদ মাধ্যমৰ সন্মুখত কলে কেন্দ্ৰীয় কাৰাগাৰত বহু উন্নয়ন মূলক কাম কৰাৰ সুযোগ লাভ কৰিলো ৷ ইয়াৰ ভিতৰত কাৰাগাৰত নামঘৰ, পাৰ্ক ‍আদি বনোৱা বুলি উল্লেখ ৷  কেন্দ্ৰীয় কাৰাগাৰৰ পৰা ওলাই ৰাকেশ পালে পোনে ঘৰলৈ যাত্ৰা কৰে ৷

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।