• Home
  • »
  • News
  • »
  • assam
  • »
  • NRCৰ নামত সকলো দলে খেলা খেলিছে, কোনো এটা দলে নিবিচাৰে এখন শুদ্ধ NRC : ৰঞ্জন গগৈ 

NRCৰ নামত সকলো দলে খেলা খেলিছে, কোনো এটা দলে নিবিচাৰে এখন শুদ্ধ NRC : ৰঞ্জন গগৈ 

অসম চুক্তিৰ ৬নং দফা কাৰ্যকৰী নকৰাত কেন্দ্ৰীয় চৰকাৰক  সমালোচনা কৰে দেশৰ প্রাক্তন মুখ্য ন্যায়াধীশগৰাকীয়ে।

অসম চুক্তিৰ ৬নং দফা কাৰ্যকৰী নকৰাত কেন্দ্ৰীয় চৰকাৰক  সমালোচনা কৰে দেশৰ প্রাক্তন মুখ্য ন্যায়াধীশগৰাকীয়ে।

অসম চুক্তিৰ ৬নং দফা কাৰ্যকৰী নকৰাত কেন্দ্ৰীয় চৰকাৰক  সমালোচনা কৰে দেশৰ প্রাক্তন মুখ্য ন্যায়াধীশগৰাকীয়ে।

  • Share this:
‘‘ৰাষ্ট্ৰীয় নাগৰিক পঞ্জীৰ নামত যোৱা ৫০ বছৰে অসমত মাথোঁ চলি আছে খেলা। কোনো ৰাজনৈতিক দলে নিবিচাৰে NRC। বিষয়টো উত্থাপন কৰি দলসমূহে মাথোঁ ৰাজনৈতিক মুনাফা আদায় কৰি আহিছে।’’ – বৃহস্পতি বাৰে এই মন্তব্য প্ৰদান কৰিছে ৰাজ্যসভাৰ ৰাষ্ট্ৰপতিৰ দ্বাৰা মনোনীত সাংসদ ৰঞ্জন গগৈয়ে।

কলকাতাত এটা সংবাদ গোষ্ঠীৰ দ্বাৰা আয়োজিত এক আলোচনা চক্ৰত অংশগ্ৰহণ কৰি নাগৰিকত্ব সংশোধনী আইন আৰু ৰাষ্ট্ৰীয় নাগৰিকে পঞ্জীৰ সন্দৰ্ভত কেতবোৰ বিস্ফোৰক মন্তব্য কৰে গগৈয়ে। উল্লেখযোগ্য যে  NRCৰ বিষয়টো এতিয়াও সৰ্বোচ্চ ন্যায়ালয়ৰ বিবেচনাধীন হৈ আছে আৰু গগৈ দেশৰ মুখ্য ন্যায়াধীশ হৈ থাকোতে NRCৰ গোচৰৰ শুনানি গ্ৰহণ কৰিছিল।

NRCৰ প্ৰসংগত মন্তব্য কৰি গগৈয়ে কয় – ‘‘এটা ৰাজনৈতিক দলে অবৈধ অনুপ্ৰৱেশকাৰীক ভোটৰ বিনিময়ত সুৰক্ষা দিয়াৰ প্ৰতিশ্ৰুতি দিয়ে। আকৌ আন এটা দলে প্ৰব্ৰজনকাৰীসকল খিলঞ্জীয়াৰ কাৰণে ভাবুকি স্বৰূপ বুলি কৈ বহিষ্কাৰ কৰাৰ প্ৰতিশ্ৰুতি দিয়ে। আৰু যোৱা ৫০ বছৰেই অসমত এই খেলাই চলি আছে।’’

নাগৰিকত্ব সংশোধনী আইনৰ সন্দৰ্ভত গগৈয়ে কয় – ‘‘এই আইন সংসদত গৃহীত হৈছে আৰু অসমত ইয়াৰ বিৰোধিতা হৈছে, কাৰণ অসমৰ লোকসকলে এই আইনখনে অস্তিত্বৰ সংকট নমাই আনিব বুলি ভাবিছে।’’ তেওঁ লগতে কয় – মানুহে যেনে ধৰণেই এই আইনখনৰ বিষয়ে নাভাৱক কিয়, মাথোঁ উচ্চতম ন্যায়ালয় নতুবা সংসদৰ যোগেৰেহে আইনখন বাতিল কৰিব পৰা যাব।

উল্লেখযোগ্য যে অসম চুক্তিৰ ৬নং দফা কাৰ্যকৰী নকৰাত কেন্দ্ৰীয় চৰকাৰক  সমালোচনা কৰে দেশৰ প্রাক্তন মুখ্য ন্যায়াধীশগৰাকীয়ে।
Published by:Sanjay Kumar Das
First published:

শেহতীয়া বাতৰি