মুখ্যমন্ত্ৰী সোণোৱালৰ জীৱনলৈ উচ্চস্তৰৰ ভাবুকি! Z+ নিৰাপত্তাৰ মাজত থাকিও শংকিত নেকি সৰ্বানন্দ সোণোৱাল?

News18 Assam | News18-Assam
Updated:March 3, 2020, 10:37 AM IST
মুখ্যমন্ত্ৰী সোণোৱালৰ জীৱনলৈ উচ্চস্তৰৰ ভাবুকি! Z+ নিৰাপত্তাৰ মাজত থাকিও শংকিত নেকি সৰ্বানন্দ সোণোৱাল?
এই প্ৰশ্নটো প্ৰাসংগিক কৰি তুলিছে সোমবাৰে গৃহ বিভাগৰ ফালৰ পৰা বিধানসভাত দিয়া এটা উত্তৰে৷

এই প্ৰশ্নটো প্ৰাসংগিক কৰি তুলিছে সোমবাৰে গৃহ বিভাগৰ ফালৰ পৰা বিধানসভাত দিয়া এটা উত্তৰে৷

  • Share this:
সঁচাকৈয়ে চৰম ভাবুকি আহিছে নেকি মুখ্যমন্ত্ৰী সৰ্বানন্দ সোণোৱালৰ জীৱনলৈ! এই প্ৰশ্নটো প্ৰাসংগিক কৰি তুলিছে সোমবাৰে গৃহ বিভাগৰ ফালৰ পৰা বিধানসভাত দিয়া এটা উত্তৰে৷ বিধানসভাৰ বাজেট অধিৱেশনৰ প্ৰথমটো দিনতে সৰুক্ষেত্ৰীৰ কংগ্ৰেছী বিধায়ক জাকিৰ হুছেইন শিকদাৰে আনিছিল এটা প্ৰশ্ন৷ তৰাবিহীন ৬নং প্ৰশ্নটোত বিধায়কগৰাকীয়ে গৃহ বিভাগৰ পৰা জানিবলৈ বিচাৰিছিল মুখ্যমন্ত্ৰীৰ নিৰাপত্তা সম্পৰ্কীয় বহুকেইটা গুৰুত্বপুৰ্ণ কথা৷

বিধায়কগৰাকীয়ে জানিব বিচাৰিছিল কাৰ্যভাৰ গ্ৰহণ কৰাৰ পৰা মুখ্যমন্ত্ৰী সোণোৱালৰ নিৰাপত্তাৰ নামত কিমান ব্যয় কৰা হ'ল ৰাজকোষৰ পৰা৷ বিতং তথ্য বিচাৰিছিল বিধায়ক শিকদাৰে৷ বিধায়কজনৰ এই লিখিত প্ৰশ্নৰ উত্তৰ দিছিল গৃহ বিভাগৰ হৈ সংসদীয় পৰিক্ৰমা দপ্তৰৰ মন্ত্ৰী চন্দ্ৰমোহন পাটোৱাৰীয়ে৷

উত্তৰত স্পষ্ট ভাৱে কোৱা হৈছে, "অসমৰ মাননীয় মুখ্যমন্ত্ৰীৰ নিৰাপত্তাৰ নামত দৈনিক হোৱা খৰচ নিৰাপত্তা জনিত কাৰণত জনাবলৈ অপাৰগ৷ যিহেতু অসমৰ মাননীয় মুখ্যমন্ত্ৰীৰ জীৱনৰ প্ৰতি থকা ভাবুকি যথেষ্ট উচ্চস্তৰৰ (HIGH THREAT PERCEPTION) আৰু তেওঁ Z+ নিৰাপত্তা বেষ্টনীত থকা এজন ব্যক্তি, সেয়েহে নিৰাপত্তা জনিত কাৰণত তেওঁৰ নিৰাপত্তাৰ নামত হোৱা খৰচৰ বিতং তথ্য ফাদিল কৰিব পৰা নাযায়৷ তেওঁৰ নিৰাপত্তাত যাতে কোনো সুৰুঙা থাকি নাযায় লগতে জীৱনৰ প্ৰতি আহিব পৰা ভাবুকি যাতে প্ৰতিহত কৰিব পৰা যায়, তাৰ বাবে সম্পুৰ্ণ গোপনীয়তা বজাই ৰখা হয় ৷"
Published by: Sanjay Kumar Das
First published: March 3, 2020, 10:26 AM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading