உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • টোলগেটৰ মাজেৰে পাৰ নহ'লেও কটা যায় টেক্স! হোজাই টোলগেটৰ টেক্সিচালকৰ প্ৰতি‍বাদ, থানাত এজাহাৰ

    টোলগেটৰ মাজেৰে পাৰ নহ'লেও কটা যায় টেক্স! হোজাই টোলগেটৰ টেক্সিচালকৰ প্ৰতি‍বাদ, থানাত এজাহাৰ

    সমগ্ৰ বিষয়ৰ ওপৰত এক  তদন্তৰো দাবী কৰে প্ৰতিবাদী চালকসকলে ৷

    সমগ্ৰ বিষয়ৰ ওপৰত এক  তদন্তৰো দাবী কৰে প্ৰতিবাদী চালকসকলে ৷

    সমগ্ৰ বিষয়ৰ ওপৰত এক  তদন্তৰো দাবী কৰে প্ৰতিবাদী চালকসকলে ৷

    • Share this:

    বিতৰ্কই  লগ এৰা নাই হোজাই ডবকাৰ টোলগেটক ৷ আজি টোল গেট কৰ্তৃপক্ষই  টেক্সি ষ্টেণ্ডত থকা গাড়ীৰো ফাষ্টটেগৰ জৰিয়তে টোল টেক্স কটাৰ অভিযোগত টোলগেটৰ কাৰ্যালয়ৰ সন্মুখত বিভিন্ন শ্ল'গান দি উত্তাল প্ৰতিবাদ সাব্যস্ত কৰে টেক্সিচালকসকলে ৷


    ইমানতে ক্ষান্ত নাথাকি প্ৰতিবাদী ক্ষোভিত টেক্সিচালকসকলে ডবকা আৰক্ষী থানাতো টোলগেট কৰ্তৃপক্ষৰ বিৰুদ্ধে গোচৰ তৰিছে ৷ দৰাচলতে কালি ওৰে দিনটো ডবকা টেক্সি ষ্টেণ্ডৰ চালক গোলাপ হুছেইন নামৰ চালকজনে নিজৰ AS01U 9992 নম্বৰৰ চাৰিচকীয়া বাহনখন লৈ টেক্সিষ্টেণ্ডতে আছিল ৷ দিনটো কোনো ভাড়া নোপোৱাত তেওঁ ঘৰলৈ গৈ মোবাইলটো চোৱাত তেওঁৰ গাড়ীখন দিনৰ ১:৩৮ মিনিটত ফাষ্টটেকৰ জৰিয়তে ৮০ টকা কাটি নিয়াৰ মেছেজ লাভ কৰে ৷


     কালি তেওঁ টোলগেটৰ মাজেৰে পাৰ নোহোৱাকৈ এনেদৰে টোলগেট কৰ্তৃপক্ষই টকা কাটি নিয়া কাৰ্যত আচৰিত হৈ সতীৰ্থ চালকসকলক অৱগত কৰায় ৷ আজি সকলো একগোট হৈ টোলগেট কৰ্তৃপক্ষৰ বিৰুদ্ধে ধৰ্ণা দিয়াৰ লগতে ডবকা আৰক্ষী থানাত গোচৰ তৰে ৷ তেওঁলোকৰ দাবী টোলগেটে চলোৱা এই লুণ্ঠনৰাজ অতিশীঘ্ৰে বন্ধ কৰিব লাগে ৷


    ক্ষোভিত চালকসকলে অভিযোগ কৰি কয় যে ক'ভিড কালৰ বাবে আন্তঃজিলা যাতায়াত ব্যৱস্থা বন্ধ হৈ থকাৰ বাবে তেওঁলোকৰ অৱস্থা পানীত হাঁহ নচৰাৰ দৰে হৈছে ৷ তাৰ পাছতো ভূতৰ ওপৰত দানৱ পৰা দি জধেমধে টোল টেক্স কটা বিষয়টোক সহজভাৱে ল'ব পৰা নাই চালকসকলে ৷


    যোৱা কিছুদিন ধৰি বহু লোকৰ বাহনসমূহ ঘৰত থকাৰ পাছতো টোল কৰ লোৱা দেখা গৈছে ৷ সমগ্ৰ বিষয়ৰ ওপৰত এক  তদন্তৰো দাবী কৰে প্ৰতিবাদী চালকসকলে ৷ অতিশীঘ্ৰে জধেমধে টোল টেক্স কটা প্ৰক্ৰিয়া বন্ধ কৰি লাগে বুলি দাবী জনোৱাৰ লগতে যদি এই প্ৰক্ৰিয়া বন্ধ নহয়, তেনেহলে  প্ৰতিবাদী কাৰ্যসূচী ৰূপায়ণ কৰা হ'ব বুলি হুংকাৰ দিয়ে ৷

    Published by:Gautam Barman
    First published: