নগাঁৱত ৰাজপথৰ ওপৰতে বাগৰি পৰিল কয়দী কঢ়িওৱা বাহন, কেনেকৈ সংঘটিত হ'ল দুৰ্ঘটনা

নগাঁৱ (Nagaon)ৰ এঘাৰ মাইলত শুকুৰবাৰে সন্ধিয়া স‌ংঘটিত হয় এক ভয়ংকৰ পথ দুৰ্ঘটনা (Accident) ৷ দুৰ্ঘটনাগ্ৰস্ত হৈছে কয়দী (Prisoner Van) কঢ়িওৱা এখন বাহন। জানিব পৰা মতে অভাৰটেক কৰিবলৈ গৈ ট্ৰাকত খুন্দা মাৰি ৩৬ নং ৰাষ্ট্ৰীয় ঘাইপথৰ ওপৰতে বাগৰি পৰিল কয়দি কঢ়িওৱা এখন বাহন ৷ দুৰ্ঘনাটোত আৰক্ষীসহ আহত ৮ জন কয়দী৷

দুৰ্ঘটনাত আহত হোৱা দুজনক সংকটজনক অৱস্থাত নগাঁৱৰ ভোগেশ্বৰী ফুকননী অসামৰিক চিকিৎসালয় (Nagaon Civil Hospital)লৈ প্ৰেৰণ কৰা হয় ৷ উল্লেখযোগ্য যে একে দিশৰ পৰা আহিছিল দুয়োখন গাড়ী ৷ কয়দী কঢ়িওৱা গাড়ীখনৰ নম্বৰ ক্ৰমে AS-30 7558  আৰু ট্ৰাক নম্বৰ NL 01-AA-7575 ।