‘ভোগালী বিহুৰ দিনা ৰঙালী বিহুৰ শুভেচ্ছা’ ভুল শুধৰালে ৰাষ্ট্ৰপতি ৰামনাথ কোবিন্দে

আজি হেঁপাহৰ ভোগালী বিহু।ভোগালী বিহু উপলক্ষে ৰাজ্যজুৰি উচাহৰ ঢল। প্ৰধানমন্ত্ৰী নৰেন্দ্ৰ মোদীয়েও টুইটাৰ যোগে ভোগালী বিহুৰ শুভেচ্ছা জনালে ৰাজ্যবাসীক। কিন্তু ভোগালী বিহুৰ দিনা দেশৰ ৰাষ্ট্ৰপতি ৰামনাথ কোবিন্দে ৰাজ্যবাসীক ভুল বশতঃ জনালে ‘ৰঙালী বিহু’ৰ শুভেচ্ছা।



পিছত চৌ–দিশে প্ৰতিক্ৰিয়া সৃষ্টি হোৱাৰ পিছত ৰাষ্ট্ৰপতিৰ কাৰ্য্যালয়ে আৰু পুনৰ ১১.৩৩ বজাত শুধৰাই “ভোগালীৰ শুভেচ্ছা” বুলি পোষ্ট কৰে।

ভোগালী বিহু উপলক্ষে অসমৰ ভাতৃ-ভগ্নীসকলৰ লগতে বিশ্বৰ বিভিন্ন প্ৰান্তত থকা সমূহ অসমীয়ালৈ আন্তৰিক ওলগ জনালোঁ। মেজিৰ জুইৰ উত্তাপে সমাজৰপৰা নাশ কৰক সকলো অসূয়া-অমংগল। এই উৎসৱে প্ৰতিটো পৰিয়াললৈ কঢ়িয়াই আনক সুখ, শান্তি আৰু সমৃদ্ধিৰ বতৰা। - ৰাষ্ট্ৰপতি কোৱিন্দ

— President of India (@rashtrapatibhvn) January 15, 2020

অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|