টিকট হেৰুৱাব বহু বিধায়কে! পাহাৰীয়া জিলাৰ পাঁচটা বিধানসভা সমষ্টিত বলিছে নিৰ্বাচনী বতাহ

News18 Assam | News18-Assam
Updated:August 4, 2020, 1:40 PM IST
টিকট হেৰুৱাব বহু বিধায়কে! পাহাৰীয়া জিলাৰ পাঁচটা বিধানসভা সমষ্টিত বলিছে নিৰ্বাচনী বতাহ
পাঁচোটা সমষ্টিতে শাসকীয় বিজেপিৰ একাধিক প্ৰাৰ্থীয়ে দলীয় টিকট বিচাৰিছে।

পাঁচোটা সমষ্টিতে শাসকীয় বিজেপিৰ একাধিক প্ৰাৰ্থীয়ে দলীয় টিকট বিচাৰিছে।

  • Share this:
সমাগত বিধানসভা নিৰ্বাচন। কোৰোণা ভাইৰাছ আৰু প্ৰলয়ংকৰী বানৰ মাজতেই নিৰ্বাচনকেন্দ্ৰিক বতাহ বলিছে পাহাৰীয়া জিলা তিনিখনত। বিভিন্ন ধৰণৰ গুণা–গঁঠা চলিছে পাঁচোটা সমষ্টি ক্ৰমে ডিফু, বোকাজান, হাওৰাঘাট, বৈঠালাংছু আৰু হাফলং সমষ্টিক লৈ।পাঁচটা সমষ্টিক লৈ কঁকালত টঙালি বান্ধিছে শাসকীয় বিজেপি আৰু বিৰোধী কংগ্ৰেছ, এ এছ ডি চি আৰু এল ডি পিয়ে। পাঁচোটা সমষ্টিতে শাসকীয় বিজেপিৰ একাধিক প্ৰাৰ্থীয়ে দলীয় টিকট বিচাৰিছে।

ডিফু সমষ্টিত মন্ত্ৰী ছুম ৰংহাঙৰ উপৰি বিজেপিৰ টিকটৰ দাবীদাৰ সমষ্টিটোৰ তিনিবাৰৰ প্ৰাক্তন বিধায়ক বিদ্যাছিং ইংলেং আৰু যুৱ নেতা টিংক্ৰে ৰংপি। হাওৰাঘাট সমষ্টিত বৰ্তমানৰ বিধায়ক জয়ৰাম ইংলেঙৰ উপৰি নাম চৰ্চাত আছে কাৰ্বি আংলং স্বায়ত্তশাসিত পৰিষদৰ উপাধ্যক্ষ ৰীতেশ ইংহি আৰু ফুলনি পৰিষদীয় সমষ্টিৰ নিৰ্বাচিত বিজেপি সদস্য দৰছিং টেৰাঙৰ।

বৈঠালাংছু সমষ্টিত বিধায়ক ডাঃ মনছিং ৰংপিৰ উপৰি পৰিষদৰ কাৰ্যবাহী সদস্য মংগলছিং তিমুং আৰু CEM তুলিৰাম ৰংহাঙৰ পত্নী কাছে টেৰাংপীৰ নাম চৰ্চাত আছে। বোকাজান সমষ্টিত বিধায়ক ডাঃ নোমল মমিনৰ উপৰি টিকট বিচাৰিব ভূষণ ৰংফাৰে। ডিমা হাছাও জিলাৰ একমাত্ৰ সমষ্টি হাফলঙত নাম উচ্চাৰিত হৈছে বিজেপিৰ জ্যোষ্ঠ নেতা কুলেন্দ্ৰ ডাওলাগপু, ডিমা হাছাও পৰিষদৰ শিক্ষা বিভাগৰ কাৰ্যবাহী সদস্যা নন্দিতা গাৰ্লোছা আৰু বৰ্তমানৰ বিধায়ক বীৰভদ্ৰ হাগজেৰ।

শেষ মুহূৰ্তত হাফলং সমষ্টিটো যদি মিত্ৰদল অগপক এৰি দিয়ে তেন্তে অগপৰ প্ৰাৰ্থী হ’ব প্ৰাক্তন CEM দেৱজিৎ থাউছেন। বোকাজান সমষ্টিৰ বিধায়ক তথা বিজেপিৰ মুখপাত্ৰ ডাঃ নোমল মমিনৰ মতে পাহাৰৰ পাঁচটা সমষ্টিতে বিজেপিয়ে জয়লাভ কৰিব। নিৰ্বাচনলৈ মাজতে আৰু ছয় মাহ থকা অৱস্থাত পাহাৰীয়া জিলাৰ পাঁচটা সমষ্টিত পিছ পৰি ৰোৱা নাই বিৰোধী কংগ্ৰেছ আৰু আঞ্চলিক দল এ এছ ডি চি আৰু হলিৰাম তেৰাং নেতৃত্বাধীন এল ডি পি দল। শাসক–বিৰোধী দলে বিভিন্ন ইছ্যুত ভোটাৰক আকৃষ্ট কৰাৰ চেষ্টা অব্যাহত ৰাখিছে।
Published by: Sanjay Kumar Das
First published: August 4, 2020, 1:40 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading