আজিৰে পৰা ৰাজ্যত নিষিদ্ধ গাহৰি মাংসৰ বিক্ৰী

আজিৰ পৰা অসমত গাহৰি মাংসৰ বিক্ৰী বন্ধ। ৰাজ্যৰ ছখন জিলাত অস্বাভাৱিক হাৰত গাহৰিৰ মৃত্যু হোৱাৰ বাবে লোৱা হৈছে এই সিদ্ধান্ত। ইতিমধ্যে গাহৰিৰ তেজৰ নমুনা পৰীক্ষাৰ বাবে ভূপাললৈ প্ৰেৰণ কৰা হৈছে। এই পৰীক্ষাৰ প্ৰতিবেদন নহালৈকে ৰাজ্যত গাহৰিৰ বিক্ৰী নিষিদ্ধ হোৱাৰ লগতে বন্ধ থাকিব  ‘Slaughter House’।

ৰাজ্যত শেহতীয়াকৈ প্ৰায় ১৯৬৪ টা গাহৰিৰ মৃত্যু ঘটিছে। ৰাজ্যৰ ৬ খন জিলা ক্ৰমে ধেমাজি, ডিব্ৰুগড়, শিৱসাগৰ, লখিমপুৰ, বিশ্বনাথ আৰু যোৰহাটত অত্যাধিক হাৰত গাহৰিৰ মৃত্যু হৈছে। সৰ্বাধিক ক্ষতিগ্ৰস্ত হৈছে শিৱসাগৰ জিলা। জিলাখনত এই পৰ্যন্ত ১১২৪ টা গাহৰিৰ মৃত্যু হৈছে।