உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • Sipajhar Eviction: ''ধলপুৰৰ ঘটনাত আমি কোনোপ্ৰকাৰে জড়িত নহয়, ঘটনাৰ আঁৰত RSS থকাৰ সন্দেহ''- PFI

    Sipajhar Eviction: ''ধলপুৰৰ ঘটনাত আমি কোনোপ্ৰকাৰে জড়িত নহয়, ঘটনাৰ আঁৰত RSS থকাৰ সন্দেহ''- PFI

    গৰুখুঁটি ধলপুৰৰ ঘটনাক লৈ PFIৰ ৰাজ্যিক সভাপতি আবু চামা আহমেদে দিলে সংবাদমেল 

    গৰুখুঁটি ধলপুৰৰ ঘটনাক লৈ PFIৰ ৰাজ্যিক সভাপতি আবু চামা আহমেদে দিলে সংবাদমেল 

    গৰুখুঁটি ধলপুৰৰ ঘটনাক লৈ PFIৰ ৰাজ্যিক সভাপতি আবু চামা আহমেদে দিলে সংবাদমেল 

    • Share this:

    গৰুখুঁটিৰ ধলপুৰত উচ্ছেদৰ খবৰ এতিয়া অসম বা ভাৰততে সীমাবদ্ধ হৈ থকা নাই, খবৰ পাইছেগৈ পাকিস্তানো ৷ ধলপুৰ কাণ্ডৰ সৈতে তৃতীয় পক্ষ হিচাপে জড়িত থকা বুলি অভিযোগৰ আঙুলি উঠিছে POPULER FRONT OF INDIA চমুকৈ PFIৰ বিৰুদ্ধে ৷ বিজেপিৰ ৰাষ্ট্ৰীয় সাধাৰণ সম্পাদক দিলীপ শইকীয়াই ঘটনাটো PFIৰ ডিজাইনত হোৱা বুলি কোৱাৰ ২৪ ঘণ্টাৰ পিছতে ঘটনাত PFI জড়িত থকাৰ তথ্য প্ৰমাণ থকা বুলি দাবী কৰিলে খোদ ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাই ৷


    আনকি PFIক নিষিদ্ধ কৰিবলৈ কেন্দ্ৰীয় চৰকাৰৰ সংশ্লিষ্ট বিভাগলৈ পত্ৰ লিখাৰ কথাও সদৰী কৰিলে ৷ ইয়াৰ পিছতে শনিবাৰে আবেলি দিছপুৰ প্ৰেছ ক্লাবত সংবাদমেল সম্বোধন কৰি ঘটনাৰ সৈতে প্ৰত্যক্ষ বা পৰোক্ষভাৱে পিএফআই জড়িত নহয় বুলি মন্তব্য কৰিলে সংগঠনটোৰ ৰাজ্যিক সভাপতি আবু চামা আহমেদে ৷


    মুখ্যমন্ত্ৰী ড৹ হিমন্ত বিশ্ব শৰ্মা, সাংসদ দিলীপ শইকীয়াই অনা অভিযোগ নস্যাৎ কৰিলে আবু চামা আহমেদে ৷ আনকি ঘটনাত ৰাষ্ট্ৰীয় স্বয়ং সেৱক সংঘ অৰ্থাৎ RSS জড়িত থকা বুলিহে সন্দেহ প্ৰকাশ কৰিলে PFIএ ৷


    PFIই ৰাজ্যিক সভাপতি আবু চামা আহমেদে কয়– "উপ–নিৰ্বাচনক লৈ চলাইছে ধলপুৰত উচ্ছেদ ৷ এই উচ্ছেদ উদ্দেশ্যপ্ৰণোদিত আৰু ষড়যন্ত্ৰমূলক ৷ উচ্ছেদৰ সময়ত ঘটা ঘটনাৰ বাবে বিজেপি বিৰোধী দল–সংগঠনক টাৰ্গেট কৰি লৈছে ৷ ঘটনাক লৈ ন্যায়িক তদন্ত ঘোষণা কৰিছে, আমি স্বাগতম জনাইছোঁ ৷ যি দোষী তেওঁক কঠোৰ শাস্তি দিয়ক ৷ চৰকাৰক আমাৰ প্ৰত্যাহ্বান, প্ৰমাণ কৰি দেখুৱাওক PFI জড়িত থকাৰ কথা ৷ আমাৰ কাৰোবাৰ উপস্থিতি প্ৰমাণ কৰি দেখুৱাওক ৷ অকল ধৰ্মীয় মেৰুকৰণৰ অৰ্থৰে আমাৰ নাম টানি আনিছে ৷''


    সভাপতিগৰাকীয়ে পুনৰ কয়– ''মুখ্যমন্ত্ৰীয়ে উচ্ছেদৰ পিছত সামাজিক মাধ্যমত কৰা মন্তব্য দুৰ্ভাগ্যজনক ৷ মুখ্যমন্ত্ৰীৰ এনে ব্যৱহাৰে কয় তেওঁ এটা জাতি আৰু ধৰ্মৰহে মুখ্যমন্ত্ৰী ৷ PFI কোনো কাৰণতে জড়িত নহয় ঘটনাৰ সৈতে ৷ আকৌ কৈছোঁ আমাৰ কোনোবা তাত আছিল যদি দেখুৱাই দিয়ক ৷ ঘটনাটোক আমি গৰিহণা দিছোঁ ৷  দেখিলোঁ দৰঙৰ এছ পিজনৰ মানৱীয়তা একেবাৰে নাই ৷ আমি কোনোদিনে ৰাষ্ট্ৰ বা সমাজবিৰোধী কাম কৰা নাই ৷  PFI কোনো ৰাজ্যতে নিষিদ্ধ হোৱা নাই ৷  RSS জড়িত থকাৰ সন্দেহ হৈছে ঘটনাৰ সৈতে, কাৰণ আগদিনা সেই স্থানত বহু হাফ পেণ্ট পিন্ধা লোক দেখা গৈছিল ৷ হয়তো সেইসকল লোকেই মানুহখিনিৰ লগত মিলি গৈ এই কামটো কৰিছে ৷"

    Published by:Gautam Barman
    First published: