শ্বাৰ্জিল ইমামৰ সৈতে মিতিৰালি কৰা গুৱাহাটীৰ এটা ৱেব পৰ্টেলৰ স্বত্বাধিকাৰীক শীঘ্ৰেই কৰা হ’ব জেৰা

News18 Assam | News18-Assam
Updated:February 25, 2020, 5:28 PM IST
শ্বাৰ্জিল ইমামৰ সৈতে মিতিৰালি কৰা গুৱাহাটীৰ এটা ৱেব পৰ্টেলৰ স্বত্বাধিকাৰীক শীঘ্ৰেই কৰা হ’ব জেৰা
source-google

কাইলৈ ৰাজ্যিক ফৰেনচিক বিজ্ঞানাগাৰত সংগ্ৰহ কৰা হ’ব শ্বাৰ্জিল ইমামৰ Voice Sample

  • Share this:
শ্বাৰ্জিল ইমামক পুনৰ চাৰি দিনৰ বাবে ক্ৰাইম ব্ৰাঞ্চে জিম্মাত লোৱাৰ পিছতে আৰম্ভ কৰিছে শ্বাৰ্জিলৰ অসম কানেকচনক লৈ তদন্ত ৷ বদৰুদ্দিন আজমলৰ লগত বৈঠক কৰাৰ স্বীকাৰোক্তিৰ  পিছতে পোহৰলৈ আহিছে গুৱাহাটীৰ এটা ৱেব পৰ্টেলৰ স্বতাধিকাৰীৰ লগতো শ্বাৰ্জিল বৈঠকত মিলিত হোৱাৰ তথ্য ৷ ৱেব পৰ্টেলটোৰ স্বত্বাধিকাৰী জনে নতুন দিল্লীলৈ গৈ লগ ধৰিছিল শ্বাৰ্জিল ইমামক ৷ ক্ৰাইম ব্ৰাঞ্চে শ্বাৰ্জিলৰ জিম্মাত থকা অৱস্থাতে সোধা–পোচা কৰিব ৱেব পৰ্টেলটোৰ স্বতাধিকাৰীজনক ৷

আনহাতে শ্বাৰ্জিলৰ voice sample লোৱাৰ বাবে ক্ৰাইম ব্ৰাঞ্চ সাজু হৈছে ৷ ৰাজ্যিক ফৰেনচিক বিজ্ঞানাগাৰত বুধবাৰে দিনৰ ভাগত সংগ্ৰহ কৰা হব voice sample ৷ এই গোটেই প্ৰক্ৰিয়াটো ভিডিওগ্ৰাফী যোগে ৰেকৰ্ড কৰাৰ নিৰ্দেশ দিছে কামৰূপ মহানগৰ মূখ্য ন্যায়িক দণ্ডাধীশে ৷

দিল্লী আৰক্ষীয়ে বিহাৰৰ পৰা গ্ৰেপ্তাৰৰ পিছতে জব্দ কৰিছিল শ্বাৰ্জিলৰ লেপটপ, মোবাইল ফোন ৷ বৰ্তমান বিশেষ শাখাত থকা চাইবাৰ ড'মত পৰীক্ষা কৰি থকা হৈছে ৷ চাইবাৰ ড'মৰ বিশেষজ্ঞই শ্বাৰ্জিলৰ পৰা উদ্ধাৰ কৰিছে  দেশৰ বিভিন্ন প্ৰান্তলৈ ইমেইল, ৱাটচআপ  মেছেজযোগে উৰ্দুত প্ৰদান কৰা বাৰ্তা ৷ ক্ৰাইম ব্ৰাঞ্চে ইতিমধ্যে বাৰ্তা সমূহ অনুবাদ কৰাৰ বাবে সহায় লৈছে উৰ্দু ভাষা জনা ব্যক্তিৰ ৷

ক্ৰাইম ব্ৰাঞ্চে শ্বাৰ্জিলৰ ভাৰতীয় ষ্টেট বেংকৰ দুটা আৰু কানাড়া বেংকত থকা এটা একাউন্টৰ এবছৰৰ লেনদেন সবিশেষ বিচাৰিছে বেংক কেইটাৰ পৰা ৷ তদন্তকাৰী সংস্থাই সন্দেহ কৰিছে  ‘কা’ আন্দোলনৰ সময়ত শ্বাৰ্জিলৰ একাউন্টলৈ আহিছিল ধন ৷ একাউন্টৰ তথ্য অহাৰ পিছতে পোহৰলৈ আহিব অসমৰ পৰা কোনো কোনে ধন প্ৰদান কৰিছিল শ্বাৰ্জিল ইমামক ৷ আনহাতে শ্বাৰ্জিল জেৰাত যি সকলৰ নাম পোহৰলৈ আহিছে সেই সকলক শীঘ্ৰে সোধা–পোচাৰ বাবে মাতিব ক্ৰাইম ব্ৰাঞ্চে ৷
আৰু চাওক
পৰৱৰ্তী বাতৰি