উৰুকাৰ নিশা বঙাইগাঁৱত অখিল গগৈৰ মুক্তিৰ দাবীত অনশন, আৰক্ষীয়ে চোঁচৰাই নিলে প্ৰতিবাদকাৰীক

News18 Assam | News18-Assam
Updated:January 14, 2021, 9:49 AM IST
উৰুকাৰ নিশা বঙাইগাঁৱত অখিল গগৈৰ মুক্তিৰ দাবীত অনশন, আৰক্ষীয়ে চোঁচৰাই নিলে প্ৰতিবাদকাৰীক
এবছৰৰো অধিক সময় জে’লতে আছে কৃষক নেতা অখিল গগৈ। কেইদিনমান পূৰ্বে গুৱাহাটী উচ্চ ন্যায়ালয়েও নাকচ কৰিছে কৃষক নেতা জনৰ জামিন আবেদন।

এবছৰৰো অধিক সময় জে’লতে আছে কৃষক নেতা অখিল গগৈ। কেইদিনমান পূৰ্বে গুৱাহাটী উচ্চ ন্যায়ালয়েও নাকচ কৰিছে কৃষক নেতা জনৰ জামিন আবেদন।

  • Share this:
এবছৰৰো অধিক সময় জে’লতে আছে কৃষক নেতা অখিল গগৈ। কেইদিনমান পূৰ্বে গুৱাহাটী উচ্চ ন্যায়ালয়েও নাকচ কৰিছে কৃষক নেতা জনৰ জামিন আবেদন। ইফালে ৰাজ্যত নতুনকৈ গঠন হোৱা আঞ্চলিক ৰাজনৈতিক শক্তি ৰাইজৰ দলৰো সভাপতিৰ দায়িত্বও দিয়া হৈছে কাৰাবন্দী কৃষক নেতাগৰাকীক। এতিয়া কাৰাগাৰৰ পৰাই দলটোক নেতৃত্ব দিয়াৰ লগতে আগন্তুক বিধানসভা নিৰ্বাচনত অখিল গগৈয়ে প্ৰতিদ্বন্দিতা কৰিব বুলিও ৰাইজৰ দলৰ ফালৰ পৰা জনোৱা গৈছে।

ইয়াৰ সমান্তৰালকৈ ৰাজ্যৰ বিভিন্ন প্ৰান্তত চলি আছে অখিল গগৈৰ মুক্তিৰ দাবীত আন্দোলন প্ৰতিবাদ। তাৰ মাজতে উৰুকাৰ নিশা বঙাইগাঁৱৰ বইটামাৰীত ঘটিল  অঘটন ৷ অখিল গগৈৰ মুক্তিৰ দাবীত প্ৰতিবাদত বহা সমৰ্থকক চোঁচৰাই নিলে আৰক্ষীয়ে ৷

উৰুকাৰ দিনা অখিল গগৈৰ মুক্তিৰ দাবীত বইটামাৰীৰ তালগুৰীত ৪৮ ঘন্টীয়া অনশনৰ কাৰ্যসূচী হাতত লৈছিল অসমপ্ৰেমী যুৱ ছাত্ৰ সমাজ নামৰ সংগঠনটোৱে । অনশন চলি থকাৰ মাজতে সন্ধিয়া জিলাখনৰ বইটামাৰী আৰক্ষী চকীৰ আৰক্ষীয়ে প্ৰতিবাদকাৰী সকলক আটক কৰি নিয়ে ৷

সংগঠনটোৰ কেন্দ্ৰীয় সম্পাদক ৰহিবুল শেখক প্ৰতিবাদস্থলীৰ পৰা চোঁচৰাই নিলে আৰক্ষীয়ে। অখিল গগৈক বিনাৰ্চতে মুকলি, নাগৰিকত্ব সংশোধনী আইন  বাতিল আৰু কৃষক বিৰোধী আইন শীঘ্ৰে বাতিলৰ দাবীত চলাইছিল এই অনশন কাৰ্যসূচী ।
Published by: Himangshu Bhuyan
First published: January 14, 2021, 9:44 AM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading