Poacher Bite SSB Jawan: চোৰাং চিকাৰীয়ে কামুৰি ছিঙিলে SSB জোৱানৰ আঙুলি, দুটা প্ৰকাণ্ড হাতীৰ দাঁত জব্দ

চিৰাঙত চোৰাং চিকাৰীৰ বিৰুদ্ধে অভিযানৰ সময়ত শিহৰণকাৰী ঘটনা। হাতীৰ দাঁত (Elephant Tusker) বিক্ৰী কৰিবলৈ অহা চোৰাং চিকাৰী (Poacher)য়ে কামুৰি ছিঙিলে অভিযানকাৰী SSB জোৱানৰ দুটা আঙুলি ৷ বন বিভাগ আৰু SSBৰ দলে চোৰাং চিকাৰীৰ বিৰুদ্ধে যৌথ অভিযান চলোৱাৰ সময়তে সংঘটিত হয় এই ঘটনা ৷ অৱশ্যে অভিযানকাৰী দলটোৱে হাতীৰ হাতসহ এজন লোকক আটক কৰিবলৈ সক্ষম হয়। ধৃত লোকজন আমটেকাৰ শিমলুগুৰীৰ কিৰণ বৰগয়াৰী ৷

ৰায়মনা ৰাষ্ট্ৰীয় উদ্যোন (Raimona National Park)ৰ বন বিভাগৰ দল আৰু SSBৰ দলে ভাৰত-ভূটান সীমান্তৱৰ্তী অঞ্চলৰ আমটেকাত অভিযান চলাইছিল ৷ গ্ৰাহকৰ বেশত গৈ অভিযানকাৰী দলে চোৰাং চিকাৰীটোক কৰায়ত্ত কৰাৰ চেষ্টা চলোৱাৰ সময়তে ঘটিল এই অঘটন ৷ SSB জোৱানৰ দুটাকৈ আঙুলি কামুৰি ছিঙি পলায়নৰ চেষ্টা চলালে চোৰাং চিকাৰীটোৱে ৷ পিছত অভিযানকাৰী দলৰ তৎপৰতাত চোৰাং চিকাৰীটোক কৰায়ত্ত কৰিবলৈ সক্ষম হয় ৷   

আহত জোৱানজনক বঙাইগাঁৱৰ এখন ব্যক্তিগত চিকিৎসালয়ত ভৰ্তি কৰা হৈছে । অভিযানৰ সময়ত চোৰাং চিকাৰীটোৰ পৰা দুটাকৈ হাতীৰ দাত জব্দ কৰে।