কেতিয়া কোৰোণাৰ টিকা ল'ব মোদী-সোণোৱালে? নেতাৰ টিকাকৰণ কেতিয়াৰ পৰা হ'ব আৰম্ভ?

News18 Assam | News18-Assam
Updated:January 21, 2021, 2:17 PM IST
কেতিয়া কোৰোণাৰ টিকা ল'ব মোদী-সোণোৱালে? নেতাৰ টিকাকৰণ কেতিয়াৰ পৰা হ'ব আৰম্ভ?
দেশজুৰি চলিছে কোৰোণাৰ টিকাকৰণ অভিযান। প্ৰথম পৰ্যায়ত স্বাস্থ্যকৰ্মীক দিয়া হৈছে কোৰোণাৰ টিকা।

দেশজুৰি চলিছে কোৰোণাৰ টিকাকৰণ অভিযান। প্ৰথম পৰ্যায়ত স্বাস্থ্যকৰ্মীক দিয়া হৈছে কোৰোণাৰ টিকা।

  • Share this:
দ্বিতীয় পৰ্যায়ৰ কোৰোণাৰ টিকাকৰণ আৰম্ভ হ'লেই টিকা ল'ব পাৰে প্ৰধানমন্ত্ৰী নৰেন্দ্ৰ মোদীয়ে। দ্বিতীয় পৰ্যায়ত মোদীৰ লগতে কোৰোণাৰ টিকা ল'ব পাৰে মুখ্যমন্ত্ৰী সৰ্বানন্দ সোণোৱালসহ দেশৰ সকলো ৰাজ্যৰ মুখ্যমন্ত্ৰীয়ে। খবৰ অনুসৰি, প্ৰধানমন্ত্ৰী আৰু মুখ্যমন্ত্ৰীসকলৰ লগতে যিসকল নেতাৰ বয়স ৫০ৰ ওপৰত, সেই সকলকো দিয়া হ'ব কোৰোণাৰ টিকা।

অর্থাৎ সকলো ঠিকে থাকিলে প্ৰধানমন্ত্ৰী মোদীয়ে হয়টো কোৰোণাৰ টিকা ল'ব পাৰে মাৰ্চ বা এপ্ৰিলত। প্ৰধানমন্ত্ৰীৰ কাৰ্যালয়ৰ এগৰাকী বিষয়াই জনাইছে যে, প্ৰধানমন্ত্ৰীয়ে বিচৰা নাই যে, কোৰোণাৰ টিকাকৰণৰ বাবে যি চিষ্টেম তৈয়াৰ কৰা হৈছে, সেয়া ভগ্ন হওক। প্ৰধানমন্ত্ৰীৰ সৈতে এই ক্ষেত্ৰত একমত হৈছে ৰাজ্যসমূহৰ মুখ্যমন্ত্ৰীসকলো।

উল্লেখ্য যে, এতিয়া দেশজুৰি কোৰোণাৰ টিকাকৰণ চলি আছে। প্ৰথম পৰ্যায়ত প্ৰথম শাৰীৰ কোৰোণা যুদ্ধাসকলক ভেকচিন দিয়া হৈছে। ভেকচিন পাইছে আৰক্ষী, সেনা বাহিনীৰ লোক, পৌৰসভাৰ কৰ্মী, স্বাস্থ্যকৰ্মীয়ে। ইয়াৰ পিছতে ভেকচিন পাব ৫০ উৰ্ধ্বৰ ব্যক্তিয়ে। লগতে জটিল ৰোগত আক্ৰান্ত সকলকো কম সময়ৰ ভিতৰতে কোৰোণাৰ টিকা প্ৰদান কৰা হব।
Published by: Himangshu Bhuyan
First published: January 21, 2021, 2:17 PM IST
আৰু চাওক
পৰৱৰ্তী বাতৰি

শেহতীয়া বাতৰি