‘অজিত দাক সন্মান কৰো কিন্তু বেয়া লাগে, তেওঁৰ দলে এখনো আসন নাপায়’ – ক’লে পীযূষ হাজৰিকাই

News18 Assam | News18-Assam
Updated:January 20, 2021, 7:37 PM IST
‘অজিত দাক সন্মান কৰো কিন্তু বেয়া লাগে, তেওঁৰ দলে এখনো আসন নাপায়’ – ক’লে পীযূষ হাজৰিকাই
‘কংগ্ৰেছ-এআইইউডিএফৰ মহাজোট বন্ধন নহয়, মহাযঁটবন্ধনহে’

‘কংগ্ৰেছ-এআইইউডিএফৰ মহাজোট বন্ধন নহয়, মহাযঁটবন্ধনহে’

  • Share this:
"কংগ্ৰেছ-এআইইউডিএফৰ মহাজোট বন্ধন নহয়, মহাযঁটবন্ধনহে, এই মহাযঁটে বিজেপিক কোনো কাৰণতে প্ৰত্যাহ্বান জনাব নোৱাৰে"- নগাঁৱত সংবাদ মাধ্যমৰ সন্মুখত এই মন্তব্য কৰিলে ৰাজ্যিক মন্ত্ৰী পীযূষ হাজৰিকাই। নগাঁৱত আজি এটা বিলাসী গাড়ীৰ শ্ব'ৰুম মুকলি কৰিবলৈ অহা মন্ত্ৰীগৰাকীয়ে সাংবাদিকৰে হোৱা কথা বতৰাত কয়, সংখ্যালঘু প্ৰধান সমষ্টিতহে এই মহাযঁটে প্ৰভাৱ পেলাব, কিন্তু আন সমষ্টিসমূহত এই মহাযঁট ফ্লপ হ'ব। মন্ত্ৰীগৰাকীয়ে লগতে কয়, ধিং আৰু ৰূপহীহাটৰ দৰে সমষ্টিতহে এই মহাযঁটে ভাল ফল দেখুৱাব পাৰিব, কিন্তু নগাঁৱৰ আন সমষ্টিসমূহত এই মহাযঁটৰ কোনো প্ৰভাৱ নাথাকিব।

আনহাতে, মহাযঁটত অজিত ভূঞাৰ দলৰ সন্দৰ্ভত সোধা প্ৰশ্নৰ উত্তৰত কয়, " অজিত ভূঞাক মই সন্মান কৰো, কিন্তু বেয়া লাগে, তেওঁৰ দলটোৱে অনাগত নিৰ্বাচনত এখনো আসন নাপায়।"

ইপিনে, অজাপৰ সভাপতি লুৰিণজ্যোতি গগৈকো তীব্ৰ কটাক্ষ কৰি পীযূষ হাজৰিকাই কয়, "লুৰিণজ্যোতি গগৈ ডাঙৰীয়াই এইকেইদিনত ক'ত সভা পাতিছে সেয়া চালেই অসমৰ মানুহে সকলো বুজি পাব। ৰহাৰ তেওঁ সভা পাতিবলৈ কঁচুৱাৰ বাহিৰে বেলেগ ঠাই নাপালে। কঁচুৱা সংখ্যালঘূ জনবসতিপ্ৰধান হোৱাৰ বাবেই অজাপই সভা পাতিলে।"

মন্ত্ৰীগৰাকীয়ে লগতে কয় অজাপ আৰু ৰাইজৰ দলে নিৰ্বাচনত কংগ্ৰেছৰহে ক্ষতি কৰিব।
Published by: Sanjay Kumar Das
First published: January 20, 2021, 7:37 PM IST
আৰু চাওক
পৰৱৰ্তী বাতৰি

শেহতীয়া বাতৰি