সময় সদায় একেই নাথাকে! CABক লৈ ‘জাতীয় নায়ক’ক ছচিয়েল মিডিয়াত ককৰ্থনা

News18 Assam | News18-Assam
Updated:December 4, 2019, 12:45 PM IST
সময় সদায় একেই নাথাকে! CABক লৈ ‘জাতীয় নায়ক’ক ছচিয়েল মিডিয়াত ককৰ্থনা
কেন্দ্ৰীয় কেবিনেটে অনুমোদন জনালে CAB। কেবিনেটে অনুমোদন জনোৱাৰ পিছতে সৰ্বানন্দ সোণোৱালৰ বিৰুদ্ধে তীব্ৰ ক্ষোভ

কেন্দ্ৰীয় কেবিনেটে অনুমোদন জনালে CAB। কেবিনেটে অনুমোদন জনোৱাৰ পিছতে সৰ্বানন্দ সোণোৱালৰ বিৰুদ্ধে তীব্ৰ ক্ষোভ

  • Share this:
 

অসমবাসীৰ প্ৰতিবাদ, আবেগ অনুভূতিক ভৰিৰে গচকি জাতি ধ্বংসী নাগৰিকত্ব সংশোধনী বিধেয়কৰ আনিবলৈ বদ্ধ পৰিকৰ বিজেপি চৰকাৰ। বুধবাৰে কেন্দ্ৰীয় কেবিনেটে অনুমোদন জনালে CAB। পুৱা কেন্দ্ৰীয় কেবিনেটে নাগৰিকত্ব সংশোধনী বিধেয়কক অনুমোদন জনোৱাৰ পিছতেই আলোচনাৰ নামত কেন্দ্ৰীয় চৰকাৰে কৰা ভেকো–ভাওনাকলৈ সৰব হৈছে দল–সংগঠন। বিধেয়কখনত এটা আঁক মাৰিবলৈও সময় নথকাৰ পিছতো কি কাৰণে মাজ নিশা লৈকে আলোচনাৰ নামত বৰজাপি পিন্ধোৱা হ’ল, তাক লৈ প্ৰশ্ন কৰিছে বিভিন্ন দল–সংগঠনে।



কেন্দ্ৰীয় কেবিনেটে অনুমোদন জনোৱাৰ পিছত অহা ৯ ডিচেম্বৰ আৰু ১০ ডিচেম্বৰত সংসদৰ উভয় সদনত কেব গৃহীত কৰোৱাৰ লক্ষ্য কেন্দ্ৰৰ। এনে সময়ত অসমীয়াৰহৈ সবল ভূমিকা দিল্লীত ল’ব নোৱাৰাৰ কাৰণে একালৰ ‘জাতীয় নায়ক’ক ছচিয়েল মিডিয়াত ককৰ্থনা অসমবাসীৰ। মুখ্যমন্ত্ৰী সৰ্বানন্দ সোণোৱালৰ অফিচিয়েল পেজত ৰাইজে সকীয়ালে সময় সদায় একেই নাযায়! অসমীয়াৰ হৈ আন্দোলন কৰি ছাত্ৰ–সন্থাৰ মজিয়াৰ পৰা পৰৱৰ্তী সময়ত বিজেপিত যোগদান কৰি মুখ্যমন্ত্ৰীৰ আসনত বহা সৰ্বানন্দ সোণোৱালক ছচিয়েল মিডিয়াত তীব্ৰ সমালোচনা কৰিছে একাংশই।



CAB সন্দৰ্ভত প্ৰশ্ন উত্থাপন কৰিলেই এৰাই চলে সৰ্বানন্দ সোণোৱালে।



বিদেশীৰ কবলৰ পৰা অসমক উদ্ধাৰ কৰি অসমৰ ভাষা–সংস্কৃতি ৰক্ষা কৰাৰ প্ৰতিশ্ৰুতিৰে মুখ্যমন্ত্ৰীৰ আসনত বহা সৰ্বানন্দ সোণোৱালে পৰৱৰ্তী সময়ত কেৱল ক্ষমতাৰ স্বাৰ্থত CABক সমৰ্থন জনাই অসমীয়াক বিশ্বাসঘাতকতা কৰিলে বুলি ক্ষোভ প্ৰকাশ কৰিলে বিভিন্ন জনে।



আৰু চাওক
পৰৱৰ্তী বাতৰি