খাপলাং কাইক মনত আছেনে? এসময়ত মানুহক হাঁহিৰ খোৰাক দিয়া কৌতুক অভিনেতা ৰাহুল দাসৰ পৰিয়ালে আজি কান্দিছে
খাপলাং কাই চৰিত্ৰত অভিনয় কৰি অতি জনপ্ৰিয় হৈ পৰা ৰাহুল দাসৰ ২০১৭ চনৰ ১৫ অক্টোবৰত মৃত্যু হৈছিল।
খাপলাং কাই চৰিত্ৰত অভিনয় কৰি অতি জনপ্ৰিয় হৈ পৰা ৰাহুল দাসৰ ২০১৭ চনৰ ১৫ অক্টোবৰত মৃত্যু হৈছিল।
- News18 Assam
- Last Updated :
এসময়ৰ জনপ্ৰিয় খাপলাং কাইখ্যাত মঙলদৈৰ ৰাহুল দাসক আপোনালোকৰ মনত আছেনে? খাপলাং কাইৰ অকাল মৃত্যুৰ পিছত কেনে আছে তেওঁৰ পৰিয়াল? খাপলাং কাই চৰিত্ৰত অভিনয় কৰি অতি জনপ্ৰিয় হৈ পৰা ৰাহুল দাসৰ ২০১৭ চনৰ ১৫ অক্টোবৰত মৃত্যু হৈছিল।
জীৱিত কালত তেওঁৰ ঘৰত দৈনিক উপস্থিত হৈছিল বহু সাংস্কৃতিক জগতৰ লোক। অতিথিক ভাত–চাহ খুৱাই বিশ্ৰাম ল’বলৈ সময়ৰ অভাৱ হৈছিল পত্নী মহিলা দাসৰ। কিন্তু সেই মহিলা দাসে আজি এসাঁজ ভাতৰ বাবে পথৰ কাষত চাহৰ দোকান দি জীৱন নিৰ্বাহ কৰিব লগা হৈছে।
মঙলদৈ জ্যোতিনগৰৰ ৰাহুল দাস অৰ্থাৎ খাপলাং কাইৰ মৃত্যুৰ আজি তিনিটা বছৰ উকলিল। কিন্তু কোনো চৰকাৰী আচঁনিয়ে ঢুকি পোৱা নাই পৰিয়ালটোক। পৰিয়ালটোৱে লাভ কৰা নাই অন্ন সুৰক্ষা আঁচনিৰ এখন কাৰ্ড। ৰাহুল দাসৰ মৃত্যুৰ পিছত তেওঁৰ পত্নী মহিলা দাস আৰু পুত্ৰ কপিল দাসৰ এতিয়া পানীত হাঁহ নচৰা অৱস্থা।
বিগত তিনিটা বছৰে কোনো জনপ্ৰতিনিধি শিল্পীৰ মনত পৰা নাই এই পৰিয়ালটোলৈ। পুত্ৰৰ পঢ়াৰ খৰছৰ লগতে ঘৰখন চলাই নিয়াৰ কাৰণে মঙলদৈ চহৰৰ কৰিম চ’কত চাহৰ দোকান দিব লগা হৈছে প্ৰয়াত ৰাহুল দাসৰ পত্নীয়ে। দোকানত সহায় কৰি দিয়ে নৱম শ্ৰেণীত পঢ়ি থকা পুত্ৰ কপিলে। লগতে আজৰি সময়ত কাপোৰ বৈ কিছু ধন উপাৰ্জন কৰে মহিলা দাসে।
এটা সময়ত দৰ্শকক হঁহুৱাই থকা খাপলাং কাই পৰিয়ালৰ এতিয়া দুখত জীৱন কটাব লগা হৈছে। NEWS18ৰ কেমেৰাৰ সন্মুখত উচুপি উঠিল ৰাহুল দাসৰ পত্নী মহিলা দাস।
ৰাহুল দাসে খাপলাং কাইৰ লগতে বহুকেইখন ভিচিডিত অভিনয় কৰিছিল।
১৯৮০ চনত কহিনুৰ থিয়েটাৰত ড্ৰাম ছেট বজাই আৰম্ভ কৰিছিল তেওঁৰ সাংস্কৃতিক যাত্ৰা। তাৰ পিছত ‘লহৰে লহৰে’ নামৰ এখন অডিঅ’ কেছেট, ডাবল পিৰিতি, মামা ভাগিন, কচুগুটি, প্ৰিয়াৰ প্ৰিয় আদিত অভিনয় কৰিছিল ৰাহুল দাসে। সাংস্কৃতিক পৰিয়ালত জন্ম গ্ৰহণ কৰা ৰাহুল দাসে ৫৮ বছৰ বয়সত ২০১৭ চনৰ ১৫ অক্টোবৰত পৰলোক প্ৰাপ্তি ঘটে। ১৯৯৫ চনৰ পৰা তিনি বছৰ মানৰ কাৰণে মঙলদৈৰ প্ৰাথমিক বিদ্যালয়ত শিক্ষকতাও কৰিছিল যদিও সাংস্কৃতিক কাৰ্যত সময় দিব নোৱাৰাৰাৰ কাৰণে শিক্ষকতাও ত্যাগ কৰিছিল।
খাপলাং কাইৰ মৃত্যুৰ খবৰ ল’বলৈ সাংস্কৃতিক জগত, ৰাজনীতি জগতৰ বহু লোক আহিছিল। জুবিন গাৰ্গ, যতীন বৰা, প্ৰফুল্ল কুমাৰ মহন্ত, কেশৱ মহন্ত, অতুল বৰা উপস্থিত হৈছিল তেওঁৰ বসগৃহত। কিন্তু বৰ্তমান এই পৰিয়ালটোৰ খবৰ ল’বলৈ আহৰি নাই কাৰো। বৰ্তমান দুবেলা দুমুঠি অন্নৰ বাবে জীৱন সংগ্ৰামত খাপলাং কাইৰ পত্নী মহিলা। লাভ কৰা নাই কোনো ধৰণৰ চৰকাৰী আঁচনিৰ সুবিধা। সদাশয় ব্যক্তি তথা চৰকাৰৰ পৰা অকণমান সহায় বিচাৰিছে এই পৰিয়ালটোৱে।
জীৱিত কালত তেওঁৰ ঘৰত দৈনিক উপস্থিত হৈছিল বহু সাংস্কৃতিক জগতৰ লোক। অতিথিক ভাত–চাহ খুৱাই বিশ্ৰাম ল’বলৈ সময়ৰ অভাৱ হৈছিল পত্নী মহিলা দাসৰ। কিন্তু সেই মহিলা দাসে আজি এসাঁজ ভাতৰ বাবে পথৰ কাষত চাহৰ দোকান দি জীৱন নিৰ্বাহ কৰিব লগা হৈছে।
মঙলদৈ জ্যোতিনগৰৰ ৰাহুল দাস অৰ্থাৎ খাপলাং কাইৰ মৃত্যুৰ আজি তিনিটা বছৰ উকলিল। কিন্তু কোনো চৰকাৰী আচঁনিয়ে ঢুকি পোৱা নাই পৰিয়ালটোক। পৰিয়ালটোৱে লাভ কৰা নাই অন্ন সুৰক্ষা আঁচনিৰ এখন কাৰ্ড। ৰাহুল দাসৰ মৃত্যুৰ পিছত তেওঁৰ পত্নী মহিলা দাস আৰু পুত্ৰ কপিল দাসৰ এতিয়া পানীত হাঁহ নচৰা অৱস্থা।
বিগত তিনিটা বছৰে কোনো জনপ্ৰতিনিধি শিল্পীৰ মনত পৰা নাই এই পৰিয়ালটোলৈ। পুত্ৰৰ পঢ়াৰ খৰছৰ লগতে ঘৰখন চলাই নিয়াৰ কাৰণে মঙলদৈ চহৰৰ কৰিম চ’কত চাহৰ দোকান দিব লগা হৈছে প্ৰয়াত ৰাহুল দাসৰ পত্নীয়ে। দোকানত সহায় কৰি দিয়ে নৱম শ্ৰেণীত পঢ়ি থকা পুত্ৰ কপিলে। লগতে আজৰি সময়ত কাপোৰ বৈ কিছু ধন উপাৰ্জন কৰে মহিলা দাসে।
এটা সময়ত দৰ্শকক হঁহুৱাই থকা খাপলাং কাই পৰিয়ালৰ এতিয়া দুখত জীৱন কটাব লগা হৈছে। NEWS18ৰ কেমেৰাৰ সন্মুখত উচুপি উঠিল ৰাহুল দাসৰ পত্নী মহিলা দাস।
ৰাহুল দাসে খাপলাং কাইৰ লগতে বহুকেইখন ভিচিডিত অভিনয় কৰিছিল।
১৯৮০ চনত কহিনুৰ থিয়েটাৰত ড্ৰাম ছেট বজাই আৰম্ভ কৰিছিল তেওঁৰ সাংস্কৃতিক যাত্ৰা। তাৰ পিছত ‘লহৰে লহৰে’ নামৰ এখন অডিঅ’ কেছেট, ডাবল পিৰিতি, মামা ভাগিন, কচুগুটি, প্ৰিয়াৰ প্ৰিয় আদিত অভিনয় কৰিছিল ৰাহুল দাসে। সাংস্কৃতিক পৰিয়ালত জন্ম গ্ৰহণ কৰা ৰাহুল দাসে ৫৮ বছৰ বয়সত ২০১৭ চনৰ ১৫ অক্টোবৰত পৰলোক প্ৰাপ্তি ঘটে। ১৯৯৫ চনৰ পৰা তিনি বছৰ মানৰ কাৰণে মঙলদৈৰ প্ৰাথমিক বিদ্যালয়ত শিক্ষকতাও কৰিছিল যদিও সাংস্কৃতিক কাৰ্যত সময় দিব নোৱাৰাৰাৰ কাৰণে শিক্ষকতাও ত্যাগ কৰিছিল।
খাপলাং কাইৰ মৃত্যুৰ খবৰ ল’বলৈ সাংস্কৃতিক জগত, ৰাজনীতি জগতৰ বহু লোক আহিছিল। জুবিন গাৰ্গ, যতীন বৰা, প্ৰফুল্ল কুমাৰ মহন্ত, কেশৱ মহন্ত, অতুল বৰা উপস্থিত হৈছিল তেওঁৰ বসগৃহত। কিন্তু বৰ্তমান এই পৰিয়ালটোৰ খবৰ ল’বলৈ আহৰি নাই কাৰো। বৰ্তমান দুবেলা দুমুঠি অন্নৰ বাবে জীৱন সংগ্ৰামত খাপলাং কাইৰ পত্নী মহিলা। লাভ কৰা নাই কোনো ধৰণৰ চৰকাৰী আঁচনিৰ সুবিধা। সদাশয় ব্যক্তি তথা চৰকাৰৰ পৰা অকণমান সহায় বিচাৰিছে এই পৰিয়ালটোৱে।
অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|
