Paresh Baruah : মুখ্যমন্ত্ৰী হিমন্ত বিশ্ব শৰ্মাক দায়িত্বশীল বুলি প্ৰশংসা পৰেশ ৱৰুৱাৰ। News18লৈ পৰেশ বৰুৱাৰ ফোন ৷ আলোচনাৰ বাট কটাটো চৰকাৰৰ দায়িত্ব ৷

অপহৃত ৰিতুল শইকীয়াক মুক্তিৰ পাছতে News18লৈ আলফাৰ মুখ্য সেনাধ্যক্ষ পৰেশ বৰুৱাৰ টেলিফোন ৷ মুখ্যমন্ত্ৰী হিমন্ত বিশ্ব শৰ্মাক প্ৰশংসা পৰেশ ৱৰুৱাৰ।

"ৰিতুল শইকীয়াক অপহৰণ কৰাৰ উদ্দেশ্য আমাৰ পূৰণ হৈছে ৷ দায়িত্বশীল মুখ্যমন্ত্ৰী হিচাপে হিমন্ত বিশ্ব শৰ্মাই অসমৰ ৰাইজক OIL-ONGC-NRLৰ কথাবোৰ জনাইছে ৷ আমি সেয়ে তাৎক্ষণিকভাৱে ৰিতুলক মুকলি কৰি দিছোঁ ৷"

শান্তি আলোচনাক লৈও পৰেশ বৰুৱাই কৰিলে মন্তব্য-

"আলোচনাৰ ক্ষেত্ৰত আমি সদায় ইতিবাচক ৷ দায়িত্বশীল মুখ্যমন্ত্ৰী হিচাপে হিমন্ত বিশ্ব শৰ্মাৰ ওপৰত আমি আশাবাদী ৷ এতিয়া আলোচনাৰ বল ভাৰত চৰকাৰৰ হাতত ৷ কোভিডৰ কাৰণে আমি তিনিমাহৰ একপক্ষীয় যুদ্ধবিৰতি ঘোষণা কৰিছোঁ ৷ আলোচনাৰ বাট কটাটো চৰকাৰৰ দায়িত্ব ৷ সেন্দূৰীয়া বাট কাটক ৷ কাইটীয়া বাটত আমি ভৰি নিদিও ৷ আমি আলোচনাৰ বাবে সদায় আগ্ৰহী ৷ কিন্তু সন্মানজনক আৰু অসমৰ বুৰঞ্জীৰ সন্মান ৰক্ষা হ'ব লাগিব।"

আনহাতে আলোচনা প্ৰক্ৰিয়াক লৈ মন্তব্য কৰি আলোচনাপন্থী আলফা অনুপ চেতিয়াই কয়, "এতিয়া শক্তিশালী অৱস্থাত আছে আলফা স্বাধীন ৷ এই শক্তিশালী ৰূপত থকাৰ সময়তে আলোচনালৈ আহিলে বিশেষ সন্মান আৰু মৰ্যাদা পাব তেওঁলোকে এই সুযোগ গ্ৰহণ কৰিবলৈ মই পৰেশ বৰুৱাক আহ্বান জনালোঁ।"

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।