‘আমি সফল, ১০০ৰ ভিতৰত ৯০ পাইছো’- সোণোৱাল চৰকাৰৰ চতুৰ্থ বৰ্ষপূৰ্তিত দাবী শাসকীয় দলৰ 

News18 Assam | News18-Assam
Updated:May 24, 2020, 10:45 PM IST
‘আমি সফল, ১০০ৰ ভিতৰত ৯০ পাইছো’- সোণোৱাল চৰকাৰৰ চতুৰ্থ বৰ্ষপূৰ্তিত দাবী শাসকীয় দলৰ 
সোণোৱাল চৰকাৰৰ চতুৰ্থ বৰ্ষপূৰ্তি , শাসকীয় দলৰ মতে সফলতাৰ চাৰি বছৰ

সোণোৱাল চৰকাৰৰ চতুৰ্থ বৰ্ষপূৰ্তি , শাসকীয় দলৰ মতে সফলতাৰ চাৰি বছৰ

  • Share this:
সোণোৱাল চৰকাৰৰ চতুৰ্থ বৰ্ষপূৰ্তি, শাসকীয় দলৰ মতে সফলতাৰ চাৰি বছৰ ৷ বিৰোধীৰ দাবী, ব্যৰ্থ মিত্ৰজোঁটৰ চৰকাৰ ৷ ২০১৬ চনৰ ২৪ মে', তৰুণ গগৈ চৰকাৰৰ ১৫ বছৰীয়া কাৰ্যকালৰ অন্ত পেলাই সৰ্বানন্দ সোণোৱাল চৰকাৰে আজিৰ দিনটোতে লৈছিল দায়িত্ব। জাতি মাটি ভেটি ৰক্ষাৰ শপত বাক্য পাঠ কৰি দায়িত্ব লোৱা চৰকাৰে প্ৰকৃতাৰ্থতেই ৰক্ষা কৰিব পাৰিছেনে প্ৰতিশ্ৰুতি? ৰাইজৰ বিচাৰত চৰকাৰ কিমান সফল বা বিফল সেয়া জানিবলৈ আৰু এটা বছৰ অপেক্ষা কৰিব লাগিব! কিন্তু বিজেপি দলৰ মতে প্ৰতিশ্ৰুতি ৰক্ষাত সফল চৰকাৰ। সভাপতি ৰঞ্জিত দাস আৰু সাধাৰণ সম্পাদক দিলীপ শইকীয়াই সফলতাৰ খতিয়ান দাঙি ধৰি চৰকাৰক দিলে ১০০ৰ ভিতৰত ৯০ নম্বৰ।

"এই চৰকাৰখনৰ অংশীদাৰ হ'ব পৰা টোৱেই গৌৰৱৰ কথা ৷ দুৰ্নীতিৰ বিৰুদ্ধে ছাৰ্জিকেল ষ্ট্ৰাইক সোণোৱাল চৰকাৰৰ অন্যতম সফলতা ৷ APSCত এতিয়া সকলোৱে মুক্তভাৱে পৰীক্ষা দিব পৰা হৈছে ৷ ৰাস্তা ঘাট এতিয়া বহুত উন্নত ৷ এইখন চৰকাৰ ৰাইজৰ কাষত প্ৰতিটো সময়ত ৷ অসম চুক্তিৰ আত্মাস্বৰূপ ছয় নং দফা কাৰ্যকৰী হোৱাৰ দিশত— ৰঞ্জিত দাস ৷"

বিজেপিৰ দৃষ্টিত কোন কেইটা কাৰণত চৰকাৰ সফল ,সেই কথা ক'লে সাংসদ দিলীপ শইকীয়াই ৷ লগতে ক'লে আহি থকা সময়ত হ'ব ছয় জনগোষ্ঠিৰ জনজাতিকৰণ ৷ COVID19ৰ যুজঁক লৈ চৰকাৰক প্ৰশংসা দিলীপ শইকীয়াৰ ৷ চতুৰ্থ বৰ্ষপূৰ্তিত ইতিমধ্যে ফেচবুক, টুইটাৰযোগে অসমৰ ৰাইজক ধন্যবাদ জনাইছে মুখ্যমন্ত্ৰী সৰ্বানন্দ সোণোৱালে ৷
First published: May 24, 2020, 10:31 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading