জীৱনদায়িনী ঔষধৰ মূল্যবৃদ্ধিক লৈ অৱগত নহয় স্বাস্থ্যমন্ত্ৰী কেশৱ মহন্ত

ৰোগী, অভিভাৱকৰ মূৰত মাধমাৰ ৷ বৃদ্ধি পাব জীৱনদায়িনী ঔষধৰ মূল্য ৷ ১ এপ্ৰিলৰ পৰা ১২ শতাংশ বৃদ্ধি পাব ঔষধৰ মূল্য ৷ জীৱনদায়িনী ঔষধৰ মূল্য বৃদ্ধিৰ পিছতে প্ৰতিক্ৰিয়া হৈছে সমাজৰ সৰ্বস্তৰৰ লোকৰ মাজত ৷ কিয়নো ইতিমধ্যে শেহতীয়াকৈ কেইবাবাৰো মূল্যবৃদ্ধি ঘটিছে জীৱনদায়িনী ঔষধৰ ৷

তাৰ পিছত পুনৰ ১২ শতাংশ মূল্য বৃদ্ধিৰ লক্ষ্য কেন্দ্ৰৰ ৷ বিজেপি চৰকাৰৰ এনে সিদ্ধান্তই আতংকিত কৰি তুলিছে দীঘলীয়াকৈ চিকিৎসা কৰি থকা ৰোগী তথা অভিভাৱকক ৷

এইক্ষেত্ৰত প্ৰতিক্ৰিয়া প্ৰকাশ বিৰোধীৰ ৷ বিজেপি চৰকাৰৰ কাৰ্যকালত প্ৰতিবিধ সামগ্ৰীত মূল্যবৃদ্ধি ৷ মূল্য নিযন্ত্ৰণৰ বাবে শাসনত অহা চৰকাৰৰ কাৰ্যকালত মূল্যবৃদ্ধিহে এক এজেণ্ডা হৈ পৰিছে ৷

চৰকাৰৰ এনে মূল্যবৃদ্ধিৰ সিদ্ধান্ত বাতিলৰ দাবী ৰাইজৰ দলৰ বিধায়ক অখিল গগৈৰ ৷ চৰকাৰী হাস্পতালত সামান্যতম ঔষধ যোগানত ব্যৰ্থ হোৱা চৰকাৰে মাথোঁ জনতাক টেঁটু চেপি ধৰিছে ৷ বিজেপি চৰকাৰৰ এনে নীতিৰ পৰা জনতা পৰিত্ৰাণ পোৱাৰ সময় অহা বুলি দাবী কংগ্ৰেছী বিধায়ক নুৰুল হুদাৰ ৷

পিছে, স্বাস্থ্য বিভাগত অহা এই বৃহৎ আপডেটৰ পিছতো কিন্তু ৰাজ্যৰ স্বাস্থ্যমন্ত্ৰী কেশৱ মহন্ত অৱগত নহয় জীৱনদায়িনী ঔষধৰ মূল্যবৃদ্ধিক লৈ।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।