সদনৰ মজিয়াত অসহায় কেশৱ মহন্ত! বিৰোধীৰ প্ৰশ্ন– কেতিয়া সম্পূৰ্ণ হ'ব কোভিড টিকাকৰণ?

কোভিড ভেকচিন প্ৰদানক লৈ উত্তপ্ত হৈ পৰে অসম বিধানসভা৷ বিৰোধীৰ প্ৰশ্নত অসহায়বোধ কৰা দেখা গ'ল স্বাস্থ্যমন্ত্ৰী কেশৱ মহন্তক৷ কোভিড ভেকচিনৰ যোগান নিৰ্ভৰ কৰে কেন্দ্ৰৰ ওপৰত ৷ কেশৱ মহন্তৰ মতে, কেন্দ্ৰই ভেকচিন যোগান ধৰিলে অসমত প্ৰদান কৰিব পাৰি ভেকচিন ৷ সেয়ে ভেকচিন প্ৰদান কেতিয়া শেষ হ'ব আমি ক'ব নোৱাৰো৷ কিন্তু এটা কথা আমি চেষ্টা অব্যাহত ৰাখিছো ৷

উল্লেখ্য যে ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মা আৰু স্বাস্থ্যমন্ত্ৰী কেশৱ মহন্তই পূৰ্বে ১৫ আগষ্ট ভেকচিন প্ৰদানৰ সম্পূৰ্ণ সময়সীমা নিৰ্ধাৰণ কৰিছিল ৷ সেয়ে চৰকাৰী পক্ষৰ সময়সীমাক সোঁৱৰাই দি বিৰোধী বিধায়ক ৰকিবুল হুছেইনে এইবাৰ কৰে প্ৰশ্ন ৷

তেওঁ কয়– যদি ১৫ আগষ্টত নহয়, তেন্তে কেতিয়া শেষ হ'ব ভেকচিন প্ৰদান ৷ ৰাজ্য চৰকাৰৰ ভুল নীতিৰ বাবে সম্পন্ন হোৱা নাই কোভিড ভেকচিন প্ৰদান ৷ –চৰকাৰক সমালোচনা কৰি AIUDF বিধায়ক আশ্ৰাফুল হুছেইনৰ কটাক্ষ ৷

বিৰোধীৰ এনে প্ৰশ্নবাণৰ বিপৰীতে স্বাস্থ্যমন্ত্ৰীৰ স্পষ্ট মত– সময়ত ভেকচিন ল'ব অহা নাছিল মানুহ ৷ ৰাজনৈতিকভাৱে সমষ্টিভিত্তিক সমস্যা থকা বুলি ওলোটা মন্তব্য স্বাস্থ্যমন্ত্ৰীগৰাকীৰ ৷ সময়তকৈ কোভিড কেন্দ্ৰত আগতীয়াকৈ ভেকচিন ল'বলৈ গৈ মানুহে ভিৰ কৰা বুলিও কয় স্বাস্থ্যমন্ত্ৰীয়ে ৷ কিন্তু প্ৰশ্ন–উত্তৰ মাজত কেতিয়া ভেকচিন প্ৰদান সম্পূৰ্ণ কৰিব পাৰিব তাৰ নাহিল কোনো স্পষ্ট ইংগিত।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।