পেঙেৰীত কুখ্যাত তেল চোৰক খেদি খেদি আটক তিনিচুকীয়া আৰক্ষীৰ

News18 Assam | News18-Assam
Updated:July 17, 2020, 9:02 PM IST
পেঙেৰীত কুখ্যাত তেল চোৰক খেদি খেদি আটক তিনিচুকীয়া আৰক্ষীৰ
আৰক্ষীৰ দলে অচ্যুতক লৈ জীতেন গগৈক অনুসৰণ কৰি গৈ নিকটৱৰ্তী জাহাজগিৰা গাঁৱৰ পথত লগ পায়গৈ যদিও বাহন এৰি জীতেন গগৈ পথাৰে পথাৰে দৌৰি পলাবলৈ চেষ্টা কৰে।

আৰক্ষীৰ দলে অচ্যুতক লৈ জীতেন গগৈক অনুসৰণ কৰি গৈ নিকটৱৰ্তী জাহাজগিৰা গাঁৱৰ পথত লগ পায়গৈ যদিও বাহন এৰি জীতেন গগৈ পথাৰে পথাৰে দৌৰি পলাবলৈ চেষ্টা কৰে।

  • Share this:
তিনিচুকীয়া জিলাৰ মাৰ্ঘেৰিটা বিধানসভা সমষ্টিৰ অন্তৰ্গত নতুন আদৰ্শ গাঁৱত আজি পুৱাই তিনিচুকীয়া সদৰ থানা আৰু পেঙেৰী আৰক্ষীয়ে মাকুমৰ কুখ্যাত তেল চোৰ জীতেন গগৈক আটক কৰিবলৈ সক্ষম হয়। উল্লেখ যে, অইল ইণ্ডিয়া লিমিটেড, দুলীয়াজানৰ নিৰাপত্তাৰক্ষীৰ দায়িত্ব থকা তিলেশ্বৰ শইকীয়াৰ নেতৃত্বত যোৱা দল এটাই যোৱা ১৪ জুলাইৰ  পুৱতিনিশা চোৰাং খাৰুৱা তেলৰ চুৰি চক্ৰৰ বিৰুদ্ধে অভিযান চলাই ১২ হাজাৰ লিটাৰ চোৰাং খাৰুৱা তেল ভৰ্তি এ এছ ০১ চি চি ৫৪২৩ নম্বৰৰ টেংকাৰখন জব্দ কৰা লগতে বাহনখনৰ চালকজনক গ্ৰেপ্তাৰ কৰিছিল।

উল্লেখযোগ্য যে অইলৰ নিৰাপত্তাৰক্ষী দলটোৰ  পৰা বাচিবলৈ টেংকাৰখন ডিব্ৰুগড়ৰ  দিশে তীব্ৰগতিত আগবাঢ়ে। নিৰাপত্তাৰক্ষীৰ দলটোৰ চকুত ধুলি দি পলাই যাবলৈ সক্ষম হৈছিল কুখ্যাত তেলচোৰ বুলি সৰ্বত্ৰে জনজাত জে’ল ফেৰৎ মাকুম নিবাসী জিতেন গগৈ নামৰ লোকজন। নিজৰ বাহনেৰে পলাই গৈ তেল চোৰ চক্ৰৰ নায়ক জীতেন গগৈয়ে পেঙেৰী থানা দুৱাৰমৰাৰ নতুন আদৰ্শ গাঁৱৰ নিবাসী অচ্যুত ঢেকিয়াল ফুকন ওৰফে চূচনৰ ঘৰত আত্মগোপন কৰি আছিল। সম্পৰ্কত জীতেন গগৈ আৰু অচ্যুত ঢেকিয়াল ফুকন ককাই-ভাই।

আজি পুৱা তিনিচুকীয়া সদৰ থানাৰ অ’চি নিতুল দাস আৰু পেঙেৰী থানাৰ সহযোগত আৰক্ষীৰ দলে অচ্যুৎ ঢেকিয়াল ফুকনৰ ঘৰত তালাচী চলাইছিল যদিও ইতিপূৰ্বে বাহনসহ জীতেন গগৈ তাৰ পৰা পলাই য়ায়। আৰক্ষীৰ দলে অচ্যুতক লৈ জীতেন গগৈক অনুসৰণ কৰি গৈ নিকটৱৰ্তী জাহাজগিৰা গাঁৱৰ পথত লগ পায়গৈ যদিও বাহন এৰি জীতেন গগৈ পথাৰে পথাৰে দৌৰি পলাবলৈ চেষ্টা কৰে। খেদি খেদি গৈ আৰক্ষী দলে জীতেন গগৈক আটক কৰি বাহনসহ তিনিচুকীয়ালৈ লৈ যায়।
Published by: Sanjay Kumar Das
First published: July 17, 2020, 9:02 PM IST
আৰু চাওক
পৰৱৰ্তী বাতৰি

শেহতীয়া বাতৰি