নুমলীগড়ত পুৱতি নিশা ভয়াৱহ অগ্নিকাণ্ডত সম্পূৰ্ণৰূপে জাহ গ'ল এটা বাসগৃহ, দুৰ্বৃত্তই জ্বলাই দিয়াৰ সন্দেহ পৰিয়ালৰ...

নুমলীগড়ত পুৱতি নিশা ভয়াৱহ অগ্নিকাণ্ড। জুইত সম্পূৰ্ণৰূপে জাহ গ'ল এটা বাসগৃহ। দুৰ্বৃত্তই জ্বলাই দিয়াৰ সন্দেহ পৰিয়ালৰ ।

নুমলীগড়ৰ মৰঙি মৌজাৰ গিদিবস্তি অঞ্চলত নিশা এই অগ্নিকাণ্ডৰ ঘটনা । জুইত ভস্মীভূত হ'ল পবিত্ৰ কুমাৰ নামৰ লোকজনৰ বাসগৃহ ।  ঘৰৰ সকলো বস্তু, আচবাব নিমিষতে পুৰি ছাই হৈ যায়।  পৰিয়াল তথা গৃহস্থৰ অভিযোগ এয়া কোনো দুষ্ট লোকৰ ষড়যন্ত্ৰ । কোনো দুষ্ট লোকে তেওঁলোকৰ ঘৰটো জ্বলাই দিছে বুলি  অভিযোগ আনিছে পৰিয়াল লোকে । ইফালে নিশা সমগ্ৰ অঞ্চলটোত হাতীৰ এটা জাকে উপদ্ৰৱ চলাই আছিল। যাৰ বাবে হাতীৰ ভয়ত  নিশা তেওলোকে কাষৰ এটা পৰিয়ালৰ ঘৰত আশ্ৰয় লৈ থকা সময়তে হঠাৎ নিজৰ ঘৰটি জ্বলা প্ৰত্যক্ষ কৰে ।  জুই নুমুৱাৰ কোনো ব্যৱস্থা নথকাত সম্পূৰ্ণ ৰূপে ঘৰৰ ভিতৰৰ আচবাব জ্বলি ছাই হৈ যোৱাত এতিয়া অসহায় হৈ পৰিছে পৰিয়ালটো । সমগ্ৰ ঘটনাক কেন্দ্ৰ কৰি এতিয়া এক চাঞ্চল্যই বিৰাজ কৰিছে সমগ্ৰ অঞ্চলটোত ।

Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese