NRCক লৈ আন এক গুৰুত্বপূৰ্ণ নিৰ্দেশনা, কি নিৰ্দেশ দিলে NRC কৰ্তৃপক্ষই?

News18 Assam | News18-Assam
Updated:February 21, 2020, 8:37 AM IST
NRCক লৈ আন এক গুৰুত্বপূৰ্ণ নিৰ্দেশনা, কি নিৰ্দেশ দিলে NRC কৰ্তৃপক্ষই?
NRCত অন্তৰ্ভুক্ত হোৱা অবৈধ লোকৰ তথ্য লাগে ৰাজ্যিক সমন্বয়ক হিতেশ দেৱ শৰ্মাক৷ অযোগ্য (Ineligible) লোকৰ তথ্য বিচাৰি সকলো জিলা উপায়ুক্তলৈ পত্ৰ NRC কৰ্তৃপক্ষৰ।

NRCত অন্তৰ্ভুক্ত হোৱা অবৈধ লোকৰ তথ্য লাগে ৰাজ্যিক সমন্বয়ক হিতেশ দেৱ শৰ্মাক৷ অযোগ্য (Ineligible) লোকৰ তথ্য বিচাৰি সকলো জিলা উপায়ুক্তলৈ পত্ৰ NRC কৰ্তৃপক্ষৰ।

  • Share this:
ইটোৰ পিছত সিটো নিৰ্দেশনা NRCৰ নৱনিযুক্ত সমন্বয়ক হিতেশ দেৱ শৰ্মাৰ৷ দুদিন পূৰ্বে NRCৰে জড়িত DISPOSING OFFICER, LRCPRক NRCৰ পৰা অব্যাহতি দিবলৈ জিলা উপায়ুক্তসকলক নিৰ্দেশ দিছিল সমন্বয়ক হিতেশ দেৱ শৰ্মাই৷ পুনৰ আন এক গুৰুত্বপুৰ্ণ নিৰ্দেশনা NRC কৰ্তৃপক্ষৰ৷ NRCত যে নোসোমাবলগীয়া লোকৰ নাম অন্তৰ্ভুক্ত হৈ আছে সেয়া স্পষ্ট ৰূপত প্ৰকাশ পাইছে বুধবাৰে দিয়া নিৰ্দেশনাটোত৷

হিতেশ দেব শৰ্মাৰ স্বাক্ষৰ সম্বলিত নিৰ্দেশনাটোত প্ৰথমেই লিখিছে,"২০১৯ৰ ৩১আগষ্টত প্ৰকাশ হোৱা NRCত কিছু অযোগ্য (Ineligible Persons) লোকৰ নাম অন্তৰ্ভুক্ত হোৱা দৃষ্টিগোচৰ হৈছে৷"

পত্ৰখনত লগতে লিখিছে, "NRCত অন্তৰ্ভুক্ত নহ'বলগীয়া তেনে লোকৰ তালিকা আপোনালোকে ইতিমধ্যে আমাক দিছে৷ আপোনালোকে দিয়া সেই তালিকাখনত থকা সন্দেহযুক্ত লোকসকলৰ সম্পূৰ্ণ তথ্য প্ৰদানৰ অনুৰোধ জনোৱা হ'ল৷ কিয়নো সেইসকল লোকৰ নাম কিদৰে NRCত সোমাল সেয়া ৰহস্যজনক৷"



NRCৰ ৰাজ্যিক সমন্বয়ক হিতেশ দেৱ শৰ্মাই প্ৰতিগৰাকী জিলা উপায়ুক্তক বিষয়টো গুৰুত্বপূৰ্ণ হিচাপে গ্ৰহণ কৰি যিমান পাৰে সোনকালে তথ্য প্ৰদানৰ কথা উল্লেখ কৰিছে নিৰ্দেশনাটোত৷ বুধবাৰে দিয়া এই নিৰ্দেশনাটোক জৰুৰী নিৰ্দেশনা হিচাপে গ্ৰহণ কৰিবলৈ স্পষ্টভাৱে কোৱা হৈছে প্ৰতিগৰাকী উপায়ুক্তক৷ যিখিনি তথ্য লাভ কৰিব সেই তথ্য দেশৰ মহাপঞ্জীয়কক অৱগত কৰাব NRC কৰ্তৃপক্ষই৷

NRCত লাখ লাখ অবৈধ বিদেশীৰ নাম অন্তৰ্ভুক্ত হ'ল বুলি সময়ে সময়ে দাবী তুলি আহিছে বিভিন্ন দল–সংগঠনে৷ ২০১৯ৰ ৩১আগষ্টত প্ৰকাশ পোৱা NRCক লৈ সন্তুষ্ট নহয় শাসকীয় দল বিজেপি৷ বিষয়টোৱে চৰ্চা লাভ কৰিছিল অসম বিধানসভাৰ মজিয়াতো৷ প্ৰতীক হাজেলাক আঁতৰাই হিতেশ দেৱ শৰ্মাৰ ওপৰত NRCৰ ৰাজ্যিক সমন্বয়কৰ দায়িত্ব প্ৰদান কৰাত সকলোৱে আশা কৰিছিল এখন শুদ্ধ NRCৰ৷

বুধবাৰে দিয়া নিৰ্দেশনাটোৱে বিদেশী মুক্ত NRCৰ ক্ষেত্ৰত এটা সবল খোজ বুলি ক'ব খুজিছে সচেতন লোকে৷ উল্লেখ্য যে, দুদিন পূৰ্বে ASSAM PUBLIC WORKSৰ সভাপতি অভিজিৎ শৰ্মাই এনে কিছু প্ৰসংগ আনি পূৰ্বৰ সমন্বয়ক প্ৰতীক হাজেলাক কঠোৰ সমালোচনা কৰিছিল৷
আৰু চাওক
পৰৱৰ্তী বাতৰি
corona virus btn
corona virus btn
Loading