বিদেশী হিন্দু–বঙালীক ৰক্ষণাবেক্ষণৰ অভিযোগ, NRCৰ প্ৰাকক্ষণত শিলাদিত্যক গ্ৰেপ্তাৰৰ দাবী উত্তৰ পূৰ্বাঞ্চল সংখ্যালঘু ছাত্ৰ সন্থাৰ

৩১ আগষ্টত  প্ৰকাশ পাব ৰাষ্ট্ৰীয় নাগৰিক পঞ্জীৰ চুড়ান্ত তালিকা। কিন্তু অসমীয়া খিলঞ্জীয়াৰ  দোপোন স্বৰূপ বুলি অভিহিত কৰা ৰাষ্ট্ৰীয় নাগৰিক পঞ্জীৰ প্ৰকাশৰ প্ৰাক মুহূৰ্তত হোজাই সমষ্টিৰ বিজেপি বিধায়ক শিলাদিত্য দেৱক গ্ৰেপ্তাৰৰ দাবী জনালে উত্তৰ পূৰ্বাঞ্চল সংখ্যালঘু ছাত্ৰ সন্থাই।

সংগঠনটোৱে কয় যে, ‘শিলাদিত্য দেৱে সংখ্যালঘুৰ বিৰুদ্ধে দিছে উচতনিমূলক মন্তব্য,
যিয়ে হিন্দু–মুছলমানৰ মাজত শান্তি বিঘ্নিত কৰিব! সেইদৰে শিলাদিত্যৰ মন্তব্যই ৰাজ্যৰ শান্তি শৃংখলাতো আউল লগাব পাৰে ! গতিকে NRC প্ৰকাশৰ পূৰ্বে  শিলাদিত্যক গ্ৰেপ্তাৰ কৰিব লাগে। অন্যথা ৰাজ্যৰ পৰিস্থিতি বেয়া হ’লে দায়ী হ’ব চৰকাৰ।’