உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • HBS Cabinet Expansion: কেতিয়ালৈ সম্প্ৰসাৰণ নহয় ড° হিমন্ত বিশ্ব শৰ্মাৰ মন্ত্ৰীসভাৰ! ক'লে মুখ্যমন্ত্ৰীয়ে

    HBS Cabinet Expansion: কেতিয়ালৈ সম্প্ৰসাৰণ নহয় ড° হিমন্ত বিশ্ব শৰ্মাৰ মন্ত্ৰীসভাৰ! ক'লে মুখ্যমন্ত্ৰীয়ে

    সম্প্ৰসাৰণ হ'লে কোনে কোনে পাব মন্ত্ৰিত্ব আৰু কোনে কোনে হেৰুৱাব চকী?

    সম্প্ৰসাৰণ হ'লে কোনে কোনে পাব মন্ত্ৰিত্ব আৰু কোনে কোনে হেৰুৱাব চকী?

    সম্প্ৰসাৰণ হ'লে কোনে কোনে পাব মন্ত্ৰিত্ব আৰু কোনে কোনে হেৰুৱাব চকী?

    • Share this:

    ড° হিমন্ত বিশ্ব শৰ্মাৰ মন্ত্ৰীসভাত স্থান পাব বুলি জ্যেষ্ঠ আৰু কনিষ্ঠ বহুকেইজন বিধায়কে আশা পালি বহি আছে ৷ উত্তৰ-পূবৰ ৰাজনীতিৰ চাণক্য হিচাপে খ্যাত ড° হিমন্ত বিশ্ব শৰ্মাৰ কেবিনেটত স্থান পোৱাৰ সৌভাগ্য পিছে কাৰ কাৰ হ'ব? সেই প্ৰশ্ন বিগত আঠ মাহে চলি আছে ৷ মানে ড° শৰ্মাই মন্ত্ৰীসভা গঠনৰ পিছত মন্ত্ৰীসভাৰ সম্প্ৰসাৰণ (Expansion of the Cabinet) হ'ব বুলি বিগত আঠটা মাহে চলি আহিছে চৰ্চা ৷ এই চৰ্চা চলিহে আহিছে; কাৰ্যকৰী কৰা নাই মুখ্যমন্ত্ৰীয়ে ৷ পিছে নতুন বছৰৰ পহিলা মাহতে হ'ব বুলিও শাসকীয় মিত্ৰজোঁটত চলিছিল চৰ্চা ৷


    কিন্তু শনিবাৰে মুখ্যমন্ত্ৰী ড° শৰ্মাই (Chief Minister Dr° Himanta Biswa Sarma) স্পষ্ট কৰি দিলে এই বিষয়ত চলি অহা চৰ্চা সন্দৰ্ভত ৷ মুখ্যমন্ত্ৰীয়ে কৈয়ে দিলে- “চৰকাৰৰ বৰ্ষপূৰ্তি নোহোৱা পৰ্যন্ত নহয় মন্ত্ৰীসভাৰ সম্প্ৰসাৰণ ৷ মন্ত্ৰীসভাক পৰীক্ষা কৰোঁতে এবছৰ লাগেই ৷ এতিয়া ৰাইজৰ উন্নয়নৰ কামবোৰ কৰি যাব লাগে ৷”


    মন্ত্ৰীসভাৰ সম্প্ৰসাৰণৰ বিষয়ত মন্তব্য কৰি মুখ্যমন্ত্ৰীয়ে ক'লে- “এতিয়া মন্ত্ৰীসভাৰ সম্প্ৰসাৰণৰ চৰ্চাৰ সময় নহয়৷ এতিয়া উন্নয়নৰ কথাহে পাতিব লাগে ৷ মন্ত্ৰীসভাৰ সম্প্ৰসাৰণৰ কথা ক'লে পেপাৰত সেইবোৰেই হেডলাইন হৈ থাকিব ৷ মানুহে কাম নকৰা হ'ব৷ মোৰ ওচৰতো মানুহৰ ভিৰ বাঢ়িব ৷ সেয়ে এইবোৰ কথা পাতিব নালাগে ৷”


    এয়া মুখ্যমন্ত্ৰীৰ স্পষ্ট কথা ৷ উল্লেখযোগ্য যে ড° হিমন্ত বিশ্ব শৰ্মাৰ মন্ত্ৰীসভাৰ সম্প্ৰসাৰণত কংগ্ৰেছ এৰি BJPত যোগ দি উপ নিৰ্বাচনৰ জৰিয়তে BJPৰ বিধায়ক হোৱা সুশান্ত বৰগোহাঁই আৰু ৰূপজ্যোতি কুৰ্মীৰ নাম সংযোজন হ'ব বুলি চৰ্চা চলি আছে ৷ লগতে  BJPৰ দুজন বিধায়ক, মিত্ৰদল UPPLৰ এজন আৰু AGPৰ এজনে মন্ত্ৰীসভাত স্থান পাব বুলিও চৰ্চা চলিছে ৷ লগতে বৰ্তমানৰ মন্ত্ৰীসভাৰ পৰা দুজনৰ মন্ত্ৰিত্ব বাদ পৰিব বুলিও শাসকীয় দলটোৰ মাজত চৰ্চা চলিছে ৷


    এনে সময়তে মুখ্যমন্ত্ৰীয়ে মন্ত্ৰীসভা সম্প্ৰসাৰণ কৰা নহ'ব বুলি স্পষ্ট কৰি দিয়াত বিৰোধী কংগ্ৰেছে কটাক্ষ কৰিছে চৰকাৰক ৷ বিৰোধী কংগ্ৰেছৰ সাধাৰণ সম্পাদক অপূৰ্ব ভট্টাচাৰ্যই ক'লে- “মন্ত্ৰী হম হম বুলি যিসকলে পুৱাই ললিপ'প খাই আছিল, তেওঁলোকলৈ বেয়াই লাগিছে ৷ মন্ত্ৰিত্বৰ দৌৰত থকাসকল হতাশাত ভুগিব এতিয়া ৷ মন্ত্ৰীসভা সম্প্ৰসাৰণ কৰা নকৰাতোনো কি কথা ৷ সকলো বিভাগ দেখোন মুখ্যমন্ত্ৰীয়েই চম্ভালে ৷”

    Published by:Gautam Barman
    First published: