২৩ বছৰে ভোগালী বিহু পালন নকৰা এখন গাঁও, ভোগালী বিহু তেওঁলোকৰ বাবে যেন অভিশাপ!

News18 Assam | News18-Assam
Updated:January 12, 2021, 9:41 AM IST
২৩ বছৰে ভোগালী বিহু পালন নকৰা এখন গাঁও, ভোগালী বিহু তেওঁলোকৰ বাবে যেন অভিশাপ!
সেই বিভীষিকাময় দিনটোৰ পিছৰে পৰা গাঁওবাসীয়ে আজিলৈকে ভোগালী বিহু পালন কৰা নাই।

সেই বিভীষিকাময় দিনটোৰ পিছৰে পৰা গাঁওবাসীয়ে আজিলৈকে ভোগালী বিহু পালন কৰা নাই।

  • Share this:
ভোগালী বিহু পালন নকৰা অসমৰ এখন গাঁও। আনন্দ-স্ফূৰ্তিৰ বিপৰীতে মাঘ বিহুৰ দিনাখন গাঁওবাসীয়ে অনাহাৰে থাকি শোক পালন কৰে। উৰুকাৰ দিনাখন ভোজ-ভাত খোৱাৰ পৰিৱৰ্তে চাকি-বন্তি জ্বলাই ওৰেনিশা উজাগৰে কটায়। এই গাঁওখনৰ শিশুসকলে নাজানে মাঘ বিহু কিদৰে পালন কৰা হয়!

ৰঙিয়াৰ কেকেৰীকুছি গাঁৱত আজিৰ পৰা ২৩ বছৰ পূৰ্বে ১৯৯৮ চনৰ ১৩ জানুৱাৰীত মাঘ বিহুৰ উৰুকাৰ নিশা ৮.১০ মান বজাত অস্ত্ৰধাৰী বড়ো উগ্ৰপন্থীৰ নিৰ্বিচাৰ গুলীচালনাত শিশু মহিলা সহ ১৭ জনকৈ নিৰীহ লোক নিহত হৈছিল। সেই বিভীষিকাময় দিনটোৰ পিছৰে পৰা গাঁওবাসীয়ে আজিলৈকে ভোগালী বিহু পালন কৰা নাই। এই দিনটোতে অঞ্চলটোৰ ৰাইজে হত্যাকাৰী নিপাত যোৱাৰ উদ্দেশ্যে সমাধিস্থলীত এহেজাৰ চাকি জ্বলোৱাৰ লগতে নাম–কীৰ্তন অনুস্থিত কৰি আহিছে। এই পবিত্ৰ দিনটোত গাঁওবাসীয়ে আনন্দত আত্মাহাৰা হোৱাৰ পৰিৱৰ্তে শোক পালন কৰি আহিছে।

এই দিনটো আহি পোৱাৰ লগে লগে ৰাইজৰ মাজত সেই আতংকময় ভয়াৱহ দিনটোৰ স্মৃতিয়ে চকুলো টুকিবলৈ বাধ্য কৰায়। উল্লেখযোগ্য যে মাঘ বিহুৰ উৰুকাৰ নিশা কেকেৰীকুছি গাঁৱৰ ৰাইজে ভোজ–ভাতৰ প্ৰস্তুতি চলাই থকাৰ সময়তে হাতে হাতে মাৰণাস্ত্ৰ লৈ কেইজনমান উগ্ৰপন্থীয়ে জধে–মধে গুলীচালনা কৰিছিল। এই গুলীচালনাত চাৰিটা পৰিয়ালৰ মুঠ ১৭জন লোকে কৰুণভাৱে মৃত্যুবৰণ কৰিবলগীয়া হৈছিল।

গুলীচালনাত নিহত সকল আছিল জয়মতী কলিতা, হেমচন্দ্ৰ কলিতা, দ্বিপেন কলিতা, প্ৰতিমা কলিতা, হিৰণ কলিতা, গীতাৰাণী কলিতা, নৱজিত কলিতা, কুঞ্জপ্ৰভা কলিতা, গীতাৰাণী কলিতা, ববিতা কলিতা, প্ৰমোদ কলিতা, ফেলেনী ভূঞা, বীণা ভূঞা, লিপিকা কলিতা, গীতাঞ্জলী কলিতা, ধনেশ্বৰ কলিতা আৰু মহেশ্বৰ হালৈ। বিগত ২৩ বছৰেও নিৰ্দোষী ব্যক্তিকেইগৰাকীৰ হত্যাকাৰীক চিনাক্ত কৰিবলৈ চৰকাৰ সক্ষম নহল। আনকি সেই সময়ত থকা অগপ চৰকাৰে নিহতৰ পৰিয়ালক কোনো ধৰণৰ ক্ষতিপুৰণো নিদিলে।
Published by: Sanjay Kumar Das
First published: January 12, 2021, 9:41 AM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading