• Home
  • »
  • News
  • »
  • assam
  • »
  • ৩১ জানুৱাৰীৰ পিছত খোলক বন্ধ খামৰ চিঠিখন, নিত্য বৰালৈ অনুৰোধ কবি নীলমণি ফুকনৰ পৰিয়ালৰ

৩১ জানুৱাৰীৰ পিছত খোলক বন্ধ খামৰ চিঠিখন, নিত্য বৰালৈ অনুৰোধ কবি নীলমণি ফুকনৰ পৰিয়ালৰ

কবিগৰাকীৰ মহাপ্ৰয়াণৰ পিছত এতিয়া ২০০৪ চনতে লিখি থৈ যোৱা এই চিঠিখনক লৈ সৃষ্টি হৈছে তীব্ৰ উৎকণ্ঠা। কি আছে চিঠিখনত?

কবিগৰাকীৰ মহাপ্ৰয়াণৰ পিছত এতিয়া ২০০৪ চনতে লিখি থৈ যোৱা এই চিঠিখনক লৈ সৃষ্টি হৈছে তীব্ৰ উৎকণ্ঠা। কি আছে চিঠিখনত?

কবিগৰাকীৰ মহাপ্ৰয়াণৰ পিছত এতিয়া ২০০৪ চনতে লিখি থৈ যোৱা এই চিঠিখনক লৈ সৃষ্টি হৈছে তীব্ৰ উৎকণ্ঠা। কি আছে চিঠিখনত?

  • Share this:
জ্ঞানপীঠ বিজয়ী কবি নীলমণি ফুকনৰ বন্ধ খামৰ চিঠিখনে বৰ্তমান অসমত তীব্ৰ উৎকণ্ঠা তথা কৌতুহলৰ সৃষ্টি কৰিছে। কাব্যঋষিগৰাকীয়ে সেই চিঠিখনত কি লিখি থৈ গৈছে সেয়া জানিবলৈ আগ্ৰহেৰে যেন অপেক্ষা কৰিছে অসমবাসীয়ে। নিবন্ধকাৰ, সাংবাদিক নিত্য বৰাৰ হাতত সেই চিঠিখন দি বৰেণ্য কবি নীলমণি ফুকনে তেওঁ যোৱাৰ পিছতহে সেইখন খুলিবলৈ কৈছিল।

অসমৰ সাহিত্য জগতখনত এক শূন্যতাৰ সৃষ্টি কৰি কবি নীলমণি ফুকন গ’লগৈ। কবিগৰাকীৰ মহাপ্ৰয়াণৰ পিছত এতিয়া ২০০৪ চনতে লিখি থৈ যোৱা এই চিঠিখনক লৈ সৃষ্টি হৈছে তীব্ৰ উৎকণ্ঠা। কি আছে চিঠিখনত?

সংবাদ মাধ্যমতো এইকেইটা দিনত উক্ত চিঠিখনক লৈ সম্প্ৰচাৰ হৈছে বাতৰি। কবি নীলমণি ফুকনে চিঠিখনত কি গোপন কথা লিখি থৈ গৈছে সেয়া জানিবলৈ অধীৰ অপেক্ষা সকলোৰে। ইতিমধ্যে নিত্য বৰাই চিঠিখন খোলাৰ কথাও উল্লেখ কৰিছে।

কিন্তু নিত্য বৰালৈ আজি এখ পত্ৰযোগে নীলমণি ফুকনৰ পৰিয়ালে সেই চিঠিখন ৩১ জানুৱাৰীৰ পিছতহে খুলিবলৈ অনুৰোধ জনাইছে। শোকৰ সাগৰত বুৰি থকা পৰিয়ালটোৱে নীলমণি ফুকনৰ আদ্যশ্ৰাদ্ধৰ পিছত সেইখনৰ ক্ষেত্ৰত ব্যৱস্থা গ্ৰহণৰ বাবে বিনম্ৰ অনুৰোধ জনাইছে। এতিয়া হয়তো কবি নীলমণি ফুকনৰ জীৱনৰ গোপন কথা জানিবলৈ অপেক্ষা কৰিব লাগিব ৩১ জানুৱাৰীলৈ। পৰিয়ালৰ হৈ কবিগৰাকীৰ পত্নী দুলুমণি ফুকনে নিত্য বৰালৈ এই অনুৰোধ জনাইছে।
Published by:Sanjay Kumar Das
First published:

শেহতীয়া বাতৰি