AJYCPৰ লগতে কৃষক মুক্তিও থাকিব আছুৰ নতুন ৰাজনৈতিক দলত! কি আছে পৰামৰ্শদাতা কমিটীৰ প্ৰতিবেদনত?

ৰাজ্যৰ ১৬ গৰাকী বিশিষ্ট ব্যক্তিক লৈ সদৌ অসম ছাত্ৰ সন্থা আৰু অসম জাতীয়তাবাদী যুৱ ছাত্ৰ পৰিষদে যোৱা ১৯ আগষ্টত গঠন কৰি দিছিল এখন পৰামৰ্শদাতা কমিটী। কমিটীয়ে ইতিমধ্যে দাখিল কৰিছে নিজৰ প্ৰতিবেদন। যোৱা ২ ছেপ্তেম্বৰত আছু আৰু যুৱ ছাত্ৰ পৰিষদৰ হাতত পৰামৰ্শ কমিটীয়ে দাখিল কৰা প্ৰতিবেদন আহি পৰিছে NEWS18ৰ হাতলৈ।

কি আছে প্ৰতিবেদনত?

চলিত মাহৰ মাজভাগতে এখন সংবাদমেল সম্বোধন কৰি আছু আৰু অসম জাতীয়তাবাদী যুৱ ছাত্ৰ পৰিষদে ৰাজহুৱা কৰিব দলটোৰ বিষয়ে ৷ আছু, AJYCPৰ লগ লাগিব কৃষক মুক্তি সংগ্ৰাম সিমিতিও ৷

পৰামৰ্শদাতা কমিটীয়ে দিয়া পৰামৰ্শৰ ভিত্তিত আছু আৰু যুৱ ছাত্ৰ পৰিষদে ৰাজনৈতিক দল গঠনৰ পূৰ্বে গঠন কৰিব এখন আহ্বায়ক কমিটী। যিখন আহ্বায়ক কমিটীত থাকিব কৃষক মুক্তিৰ নেতৃত্ব। আৰু এই আহ্বায়ক কমিটীয়েই জন্ম হ’বলগীয়া আঞ্চলিক দলটোৰ ৰূপৰেখা নিৰ্ণয় কৰিব।