Maharashtra CM Eknath Shinde: শীঘ্ৰেই অসম ভ্ৰমণ কৰিব মহাৰাষ্ট্ৰৰ নতুন মুখ্যমন্ত্ৰী একনাথ সিন্দেই, অসমবাসীলৈ জনালে কৃতজ্ঞতা

আজি মহাৰাষ্ট্ৰৰ নতুন মুখ্যমন্ত্ৰীৰূপে শপত গ্ৰহণ কৰিলে একনাথ সিন্দে (Maharashtra CM Eknath Shinde)ই। প্ৰায় এপষেক ধৰি চলা হাইপ্ৰফাইল ৰাজনৈতিক ড্ৰামাৰ পিছত আজি সন্ধিয়া মুখ্যমন্ত্ৰীৰূপে একনাথ সিন্দেই শপত গ্ৰহণ কৰিলে। তাৰ পিছতে কাৰ্যালয়ত নিজৰ দায়িত্ব গ্ৰহণ কৰা একনাথ সিন্দেই অতি সোনকালে অসম (Assam) ভ্ৰমণ কৰাৰ আগ্ৰহ প্ৰকাশ কৰা বুলি জানিব পৰা গৈছে।

এই কথা জনাইছে মুখ্যমন্ত্ৰী হিমন্ত বিশ্ব শৰ্মা (Himanta Biswa Sarma)ই। নতুন মুখ্যমন্ত্ৰী একনাথ সিন্দেক ফোন কৰি অভিনন্দন জ্ঞাপন কৰে মুখ্যমন্ত্ৰী শৰ্মাই। অসমৰ হৈ সিন্দেক শুভেচ্ছা জনোৱাৰ সময়তে শীঘ্ৰে অসমলৈ অহাৰ ইচ্ছাৰ কথা প্ৰকাশ কৰিলে একনাথ সিন্দেই।

Spoke to Chief Minister of Maharashtra Shri @mieknathshinde ji to congratulate him on assuming office and convey best wishes on behalf of our state.

He expressed his immense gratitude to the people of Assam &
conveyed that he shall be visiting us very soon.

— Himanta Biswa Sarma (@himantabiswa) June 30, 2022

উল্লেখ্য যে ২১ জুনৰ পৰা ২৯ জুনলৈ নিজৰ অনুগত শিৱ সেনাৰ ৩৯ বিধায়কৰ সৈতে গুৱাহাটী (Guwahati)ত বাহৰ পাতি আছিল একনাথ সিন্দে। গুৱহাটীৰ হোটেল ৰেডিছন ব্লুৰ পৰাই একনাথ সিন্দেই মহাৰাষ্ট্ৰৰ ৰাজনীতি নিয়ন্ত্ৰণ কৰি আছিল। মুম্বাইলৈ উভতি যোৱাৰ আগতে নীলাচলত মা কামাখ্যা (Kamakhya Temple)ৰ আশিস লৈও গৈছিল একনাথ সিন্দেই।