ইউৰোপৰ এঞ্জেলাৰ শেষ ইচ্ছা যোৰহাটৰ বিদ্যালয়ত পূৰণ কৰিলে পৰিয়ালে

News18 Assam | News18-Assam
Updated:February 27, 2020, 5:26 PM IST
ইউৰোপৰ এঞ্জেলাৰ শেষ ইচ্ছা যোৰহাটৰ বিদ্যালয়ত পূৰণ কৰিলে পৰিয়ালে
অৱশেষত এঞ্জেলাৰ স্বামীয়ে পত্নীৰ ইচ্ছা অনুসৰি ‘এঞ্জেলাছ লিগেছী স্কলাৰশ্বীপ এণ্ড লাইব্ৰেৰী প্ৰজেক্ট’ৰ অধীনত বিদ্যালয়খনক প্ৰদান কৰে এটি পুথিভঁৰাল।

অৱশেষত এঞ্জেলাৰ স্বামীয়ে পত্নীৰ ইচ্ছা অনুসৰি ‘এঞ্জেলাছ লিগেছী স্কলাৰশ্বীপ এণ্ড লাইব্ৰেৰী প্ৰজেক্ট’ৰ অধীনত বিদ্যালয়খনক প্ৰদান কৰে এটি পুথিভঁৰাল।

  • Share this:
ছুইডেনৰ এগৰাকী মানৱদৰদী মহিলা। নাম এঞ্জেলা মাৰ্টি। ইউৰোপৰ ছুইছ ৰি নামৰ আগশাৰীৰ কোম্পানীটোৰ শীৰ্ষ পদবীত কাৰ্যনিৰ্বাহ কৰিছিল তেওঁ। ফাৰ্ম টু ফুড নামৰ স্বেচ্ছাসেৱী অনুষ্ঠানটোৰ সৈতে জড়িত মহিলাগৰাকী অসমলৈ আহোতে গ্ৰামাঞ্চলৰ বিদ্যালয়সমূহৰ পৰিৱেশে আকৰ্ষণ কৰিছিল তেওঁক। তেতিয়াই তেওঁ সিদ্ধান্ত লৈছিল যোৰহাটৰ চৰাইবাহী গাৰ্লছ হাইস্কুলৰ বাবে কিবা এটা কৰাৰ। কিন্তু দুৰ্ভাগ্যজনকভাৱে এঞ্জেলা স্বগৃহলৈ উভতি যোৱাৰ কিছুদিন পিছতে তেওঁৰ মৃত্যু হৈছিল।

কিন্তু মৃত্যুৰ পূৰ্বে স্বামীক কৈ গৈছিল যোৰহাটৰ বিদ্যালয়খনৰ কথা। বিদ্যালয়খনত তেওঁ  দি যোৱা প্ৰতিশ্ৰুতি স্বামীক পূৰণ কৰিবলৈ মৃত্যুৰ পূৰ্বে অনুৰোধ জনাইছিল এঞ্জেলাই। আৰু অৱশেষত এঞ্জেলাৰ স্বামীয়ে পত্নীৰ ইচ্ছা অনুসৰি ‘এঞ্জেলাছ লিগেছী স্কলাৰশ্বীপ এণ্ড লাইব্ৰেৰী প্ৰজেক্ট’ৰ অধীনত বিদ্যালয়খনক প্ৰদান কৰে এটি পুথিভঁৰাল।



বৃহস্পতিবাৰে সাংসদ গৌৰৱ গগৈয়ে এই পুথিভঁৰালটো উদ্বোধন কৰে। সাংসদগৰাকীয়ে এঞ্জেলাৰ আদৰ্শৰে অনুপ্ৰাণিত হৈ গ্ৰামাঞ্চলৰ আৰু ৩০খন বিদ্যালয়ত এনে পুথিভঁৰাল স্থাপন কৰিব বুলি ঘোষণা কৰে। লগতে বিদ্যালয়খনৰ পৰা হাইস্কুল শিক্ষান্ত পৰীক্ষাত উৎকৃষ্ট ফলাফল প্ৰদৰ্শন কৰা এগৰাকী আৰ্থিকভাৱে পিছপৰা ছাত্ৰীক উচ্চশিক্ষাৰ বাবে যাৱতীয় সকলো সহায় আগবঢ়াই যোৱাৰ কথাও ঘোষণা কৰে সাংসদগৰাকীয়ে।

এঞ্জেলাৰ ইচ্ছা অনুসৰি বিদ্যালয়খনৰ পুথিভঁৰালটোলৈ অনা হৈছে অসমীয়া, ইংৰাজী আৰু হিন্দীৰ বহুখিনি গুৰুত্বপূৰ্ণ কিতাপ। বিদেশী মহিলাগৰাকীৰ মহানুভৱতাৰ শলাগ লৈছে সকলোৱে।
আৰু চাওক
পৰৱৰ্তী বাতৰি
corona virus btn
corona virus btn
Loading