আদালতত উফৰিল নৱ ঠাকুৰীয়াৰ ষড়যন্ত্ৰ, কাইলৈ হ'বই GPC ৰ নিৰ্বাচন

News18 Assam | News18-Assam
Updated:March 11, 2020, 5:40 PM IST
আদালতত উফৰিল নৱ ঠাকুৰীয়াৰ ষড়যন্ত্ৰ, কাইলৈ হ'বই GPC ৰ নিৰ্বাচন
গুৱাহাটী প্ৰেছ ক্লাৱৰ প্ৰাক্তন সাধাৰণ সম্পাদকৰ অযুক্তিকৰ আপত্তি নৰজিল আদালতত।

গুৱাহাটী প্ৰেছ ক্লাৱৰ প্ৰাক্তন সাধাৰণ সম্পাদকৰ অযুক্তিকৰ আপত্তি নৰজিল আদালতত।

  • Share this:
ন্যায়ালয়ত মুখ থেকেচা খালে জ্যেষ্ঠ সাংবাদিক নৱ ঠাকুৰীয়াই ৷ ১৭বছৰৰ পিছত হ'বলৈ গৈ থকা গুৱাহাটী প্ৰেছ ক্লাৱৰ বহু প্ৰতীক্ষিত সাধাৰণ নিৰ্বাচনক অ‍বৈধ দাবী কৰি নিৰ্বাচনৰ বিৰোধিতাৰে আদালতৰ কাষ চাপিছিল নৱ ঠাকুৰীয়া৷ পিছে গুৱাহাটী প্ৰেছ ক্লাৱৰ প্ৰাক্তন সাধাৰণ সম্পাদকৰ অযুক্তিকৰ আপত্তি নৰজিল আদালতত।

বুধবাৰে নিম্ন আদালতত ত্ৰিদিব কুমাৰ ভট্টাচাৰ্যৰ বিচাৰপীঠে খাৰিজ কৰিলে নৱ ঠাকুৰীয়াৰ লেখ আবেদন ৷ গুৱাহাটী প্ৰেছ ক্লাৱৰ হৈ সৱল যুক্তিৰে গোচৰীয়া পক্ষৰ সকলো যুক্তিক নস্যাৎ কৰালে জ্যেষ্ঠ অধিবক্তা বিজন মহাজনে ৷

কাইলৈ নিৰ্দ্ধাৰিত সময়ৰ পৰাই অনুষ্ঠিত হ’ব গুৱাহাটী প্ৰেছ ক্লাৱৰ নিৰ্বাচন। ২৭ ফেব্ৰুৱাৰীৰ পৰা ১ মাৰ্চৰ দুপৰীয়া ৩ বজালৈ মনোনয়ন পত্ৰ দাখিলৰ দিন ধাৰ্য কৰা হৈছিল। কাইলৈ পুৱা ৮ বজাৰ পৰা ৪ বজালৈ অনুষ্ঠিত হ’ব ভোটদানৰ প্ৰক্ৰিয়া। কাইলৈ বিয়লি ৫ বজাৰ পৰা হ’ব ভোট গণনা। মুঠ ৮১৬ গৰাকী ভোটাৰে ভোটদান কৰিব। মুঠ ১০টা পদৰ বাবে অনুষ্ঠিত হ’ব এই নিৰ্বাচন।

নিৰ্বাচন অনুষ্ঠিত হ’বলগীয়া পদ সমূহ ক্ৰমে- সভাপতি, উপ-সভাপতি, উপ-সভাপতি (মহিলাৰ বাবে সংৰক্ষিত ১টা), সাধাৰণ সম্পাদক, সহঃ সাধাৰণ সম্পাদক, সহঃ সাধাৰণ সম্পাদক (মহিলাৰ বাবে সংৰক্ষিত ১টা), সাংগঠনিক সম্পাদক, কোষাধক্ষ্য, সাংস্কৃতিক সম্পাদক আৰু ক্ৰীড়া সম্পাদক।

তাত্‍পৰ্যপূৰ্ণ যে, ত্ৰিদিৱ কুমাৰ ভট্টাচাৰ্য আদালততে উন্মোচিত হ'ল নৱ ঠাকুৰীয়াৰ কুকীৰ্তি ৷ নিজৰ পৰিচয় পত্ৰত অথ’ৰিটী হৈ নিজে স্বাক্ষৰ কৰিছিল ঠাকুৰীয়াই ৷ নৱ ঠাকুৰীয়াই নিজে কৰা বিত্তীয় খেলিমেলি ঢাকিবলৈ পঞ্জীয়ন কৰা নাছিল গুৱাহাটী প্ৰেছ ক্লাৱৰ ৷ নৱ ঠাকুৰীয়াই বৃহস্পতিবাৰে হ'ব লগীয়া নিৰ্বাচনৰ স্থগিতাদেশ বিচাৰি দ্বাৰস্থ হৈছিল আদালতৰ ৷
Published by: Tulika Devi
First published: March 11, 2020, 5:39 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading