নলবাৰীৰ ৰাজপথত Burning Bus ! হঠাতে দপদপকৈ জ্বলি উঠিল 'গণপতি' নামৰ যাত্ৰীবাহী বাছখন ...

নলবাৰীৰ ৰাজপথত Burning Bus । দপদপকৈ জ্বলি ভস্মীভূত হল 'গণপতি' নামৰ যাত্ৰীবাহী বাছখন । কথমপি প্ৰাণ ৰক্ষা পৰিল ৩০ গৰাকী যাত্ৰীৰ। গুৱাহাটীৰ খানাপাৰাৰ পৰা বৰপেটা অভিমুখে আহি আছিল বাছখন।

নলবাৰীৰ ৩১ নং ৰাষ্ট্ৰীয় ঘাইপথত যাত্ৰীবাহী বাছত অগ্নিকাণ্ড । গুৱাহাটীৰ খানাপাৰাৰ পৰা বৰপেটা অভিমুখে আহি থকা  AS 28-C-3867 নম্বৰৰ  'গণপতি' নামৰ বাছখনত হঠাতে অগ্নিকাণ্ডৰ সূত্ৰপাত হয়। যাৰ ফলত দপদপকৈ জ্বলি উঠিল বাছখন । যাত্ৰীভৰ্তি বাছখনে ভূঞাৰকুছিত ৰোৱাৰ পিছত জ্বলি উঠে। জুই ইমানেই ভয়াৱহ আছিল যে নিমিষতে জ্বলি চাৰখাৰ হয় বাছ খন । উল্লেখযোগ্য চৰ্ট চাৰ্কিটৰ ফলত এই  কাণ্ড হোৱা বুলি গাড়ী চালকে জানিবলৈ দিছে । ইপিনে যাত্ৰীয়ে জনোৱা মতে ৰঙিয়া পাওতেই গাড়ীখনৰ যান্ত্ৰিক বিজুটি ঘটিছিল।

আনহাতে বাছখনত থকা প্ৰায় ৩০ গৰাকী লোকে কোনেমতে প্ৰাণ ৰক্ষা কৰে ।  বাছখনত থকা যাত্ৰী সকলৰ বয় বস্তু জ্বলি ছাৰ খাৰ হয়। ঘটনাস্থলীত নলবাৰীৰ অগ্নি নিৰ্বাপক বাহিনী উপস্থিত হৈ জুই নিয়ন্ত্ৰণ কৰে।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।