দ্বিতীয় বিবাহৰ মন! পত্নী আৰু এবছৰীয়া সন্তানক অকথ্য নিৰ্যাতন নগাঁৱৰ কংগ্ৰেছ নেতাৰ

এগৰাকী কংগ্ৰেছ নেতাৰ নিকৃষ্ট কাণ্ডই নগাঁৱত তীব্ৰ চাঞ্চল্যৰ সৃষ্টি কৰিছে। অভিযোগ অনুসৰি নগাঁও জিলা কংগ্ৰেছৰ জ্যেষ্ঠ নেতা তথা কচুঁৱা জিলা পৰিষদৰ সদস্য ছাইফুল ইছলামে তেঁওৰ পত্নী ফাতিমা বেগম আৰু এবছৰীয়া সন্তানক নিশা নিমৰ্ম ভাৱে প্ৰহাৰ কৰে।

পত্নী ফাতিমা বেগমৰ অভিযোগ অনুসৰি,, ছাইফুলৰ সৈতে শেহতীয়াভাৱে জুৰীয়াৰ এগৰাকী যুৱতীৰ প্ৰেমৰ সম্পৰ্ক গঢ় লৈ উঠাৰ পিছৰে পৰা তেঁওক নিৰ্যাতন চলাই আহিছে। পত্নীয়ে সংবাদ মাধ্যমক জনোৱা অনুসৰি, "শুকুৰবাৰে নিশা ছাইফুলে মোক শিয়ালমাৰীৰ ঘৰত নিমৰ্ম ভাৱে মাৰপিট কৰে। মোক জামিনৰ কাগজত চহী কৰিবলৈ হেঁচা দিয়াৰ লগতে মোৰ ১বছৰীয়া সন্তানকো বেয়াকৈ মাৰপিট কৰিছে।"

উল্লেখযোগ্য যে, পত্নী ফাতিমা বেগমে এটা চকুত বেয়াকৈ আঘাত পাইছে। ইতিমধ্যে ঘটনা সংক্ৰান্তত নগাঁৱৰ সদৰ আৰক্ষী থানাত এজাহাৰ দাখিল কৰিছে ফাতিমা বেগমে।