লেখাপানীত জঘন্য ঘটনা, স্বামীক হত্যা কৰি পত্নীক বলাৎকাৰৰ চেষ্টা দুৰ্বৃত্তৰ

News18 Assam | News18-Assam
Updated:May 11, 2020, 7:13 PM IST
লেখাপানীত জঘন্য ঘটনা, স্বামীক হত্যা কৰি পত্নীক বলাৎকাৰৰ চেষ্টা দুৰ্বৃত্তৰ
Source-Google

দুষ্কৰ্মত বাধা প্ৰদান কৰাৰ বাবেই ৰাজ কাৰ্কীয়ে গকুল কছাৰীক চোকা অস্ত্ৰৰে হানি–খুচি নিৰ্মমভাৱে হত্যা কৰে।

  • Share this:
তিনিচুকীয়া জিলাৰ মাৰ্ঘেৰিটা মহকুমাৰ লেখাপানী থানাৰ অন্তৰ্গত টিপঙত সংঘটিত হৈছে এক জঘন্য ঘটনা। যোৱানিশা গকুল কছাৰী নামৰ লোকজনৰ ঘৰত সোমাই লোকজনৰ পত্নীক বলাৎকাৰৰ চেষ্টা চলায় ৰাজ কাৰ্কী নামৰ লোকজনে। এই দুষ্কৰ্মত বাধা প্ৰদান কৰাৰ বাবেই ৰাজ কাৰ্কীয়ে গকুল কছাৰীক চোকা অস্ত্ৰৰে হানি–খুচি নিৰ্মমভাৱে হত্যা কৰে।

হত্যাকাণ্ড সংঘটিত কৰাৰ কথা স্থানীয় লোকে জানিব পাৰি আৰক্ষীক খবৰ দিয়াত ততাতয়াকৈ লেখাপানীৰ আৰক্ষী ঘটনাস্থলীত উপস্থিত হৈ হত্যাকাৰী ৰাজ কাৰ্কীক আটক কৰি থানালৈ লৈ আহে। লেখাপানী আৰক্ষীয়ে মৃতদেহটো মৰণোত্তৰ পৰীক্ষাৰ বাবে পঠোৱাৰ বিপৰীতে ৰাজ কাৰ্কীক আটক কৰি লেখাপানী থানাত ৫১/২০২০ নম্বৰৰ এক গোছৰ ৰুজু কৰি তদন্ত অব্যাহত ৰাখিছে। হত্যাকাণ্ড সংঘটিত কৰা ৰাজ কাৰ্কী (২৭) নামৰ লোকজন স্থানীয় লোকে নেপালৰ বুলি জনাইছে যদিও কৰ্মসূত্ৰে টিপঙত বিগত বহু দিনৰ পৰা বাস কৰি আহিছিল।
First published: May 11, 2020, 7:13 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading