உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • অৱশেষত নিজ ঘৰত উপস্থিত হ'ল দৰঙৰ মুকুল হাজৰিকা, সুদীৰ্ঘ ১৬৮২ দিন আছিল বাংলাদেশত

    অৱশেষত নিজ ঘৰত উপস্থিত হ'ল দৰঙৰ মুকুল হাজৰিকা, সুদীৰ্ঘ ১৬৮২ দিন আছিল বাংলাদেশত

    এজন অসমীয়াক বাংলাদেশৰ পৰা ঘৰলৈ অনাৰ বাবে দৰঙৰ আৰক্ষী অধীক্ষক সুশান্তবিশ্ব শৰ্মাৰ শলাগ লয় সকলোৱে।

    এজন অসমীয়াক বাংলাদেশৰ পৰা ঘৰলৈ অনাৰ বাবে দৰঙৰ আৰক্ষী অধীক্ষক সুশান্তবিশ্ব শৰ্মাৰ শলাগ লয় সকলোৱে।

    এজন অসমীয়াক বাংলাদেশৰ পৰা ঘৰলৈ অনাৰ বাবে দৰঙৰ আৰক্ষী অধীক্ষক সুশান্তবিশ্ব শৰ্মাৰ শলাগ লয় সকলোৱে।

    • Share this:

    সুদীৰ্ঘ ১৬৮২ দিনৰ অন্তত বাংলাদেশত অহেতুক আবদ্ধ দৰঙৰ যুৱক মুকুল হাজৰিকা অৱশেষত স্বগৃহত উপস্থিত হ'ল। চুবুৰীয়া ৰাষ্ট্ৰখনৰ বৰ্ডাৰ গাৰ্ডছৰ এটা দলে কোনো ৰিমাণ্ড অবিহনেই ভাৰতৰ সীমান্ত সুৰক্ষা বাহিনীক গতাই দিয়ে হাজৰিকাক।


    পাকচক্ৰত পৰি অবৈধভাৱে প্ৰৱেশ কৰা হাজৰিকাক ত্ৰিপুৰা আৰক্ষীসহ পিতৃ ফুলেশ্বৰ হাজৰিকা, দৰঙৰ উপ–পৰিদদৰ্শক ডান্টেজিৎ দেউৰীৰ উপস্থিতিত গতাই দিয়ে সীমান্ত সুৰক্ষা বাহিনীক। পাছলৈ দক্ষিণ ত্ৰিপুৰা জিলাৰ বেলিয়নি আৰক্ষী থানাই মুকুলক অসম আৰক্ষীক অৰ্পণ কৰে।


    নিশাটো আগৰতলাত কটাই মঙলবাৰে বিয়লি বৰঝাৰ বিমান বন্দৰ আহি উপস্থিত হয়। বিমান বন্দৰৰ পৰা নিজ গৃহলৈ ৰাওনা হয়। ২০১৭ চনৰ ১২ ফেব্ৰুৱাৰীৰ পৰা নিৰুদ্দিষ্ট হৈ আছিল মঙলদৈৰ জনাৰামচৌকাৰ মুকুল হাজৰিকা।


    ২০১৯ চনৰ নৱেম্বৰ মাহত মুকুল বাংলাদেশৰ কাৰাগাৰত থকাৰ বিষয়ে বাংলাদেশস্থিত ভাৰতীয় উচ্চায়ুক্তই দৰঙৰ আৰক্ষী অধীক্ষকসহ ৰাজ্যৰ প্ৰশাসনক অৱগত কৰিছিল। মুকুল হাজৰিকাক বাংলাদেশৰ পৰা  উদ্ধাৰ কাৰ্যত নিজৰ গাঠিৰ ধন ভাঙি এজন অসমীয়া যুৱকক বাংলাদেশৰ পৰা ঘৰলৈ অনাৰ বাবে দৰঙৰ আৰক্ষী অধীক্ষক সুশান্তবিশ্ব শৰ্মাক সকলোৱে প্ৰশংসাৰে ওপচাই দিছে।

    Published by:Gautam Barman
    First published: