মুখ্যপৃষ্ঠা » খবৰ

» অসম

»আকৌ ৰাজ্যত এনকাউণ্টাৰ, আৰক্ষীৰ গুলীত নিহত ম’ষ্ট ৱাণ্টেড ডকাইত বগা ওৰফে ছহিদুল ইছলাম

আকৌ ৰাজ্যত এনকাউণ্টাৰ, আৰক্ষীৰ গুলীত নিহত ম’ষ্ট ৱাণ্টেড ডকাইত বগা ওৰফে ছহিদুল ইছলাম

News18 Assam | News18-Assam
Updated:September 12, 2021, 3:56 PM IST
আকৌ ৰাজ্যত এনকাউণ্টাৰ, আৰক্ষীৰ গুলীত নিহত ম’ষ্ট ৱাণ্টেড ডকাইত বগা ওৰফে ছহিদুল ইছলাম
আনহাতে দলটোৰ আন পাচঁটা ডকাইতে পলায়ন কৰিবলৈ সক্ষম হয়।

আনহাতে দলটোৰ আন পাচঁটা ডকাইতে পলায়ন কৰিবলৈ সক্ষম হয়।

  • News18 Assam
  • Last Updated: September 12, 2021, 3:56 PM IST
  • Share this:
ৰাজ্যত পুনৰ অসম আৰক্ষীৰ এনকাউণ্টাৰ। এইবাৰ ঘটনাৰ স্থান ধুবুৰীৰ বিলাসীপাৰাত।
শনিবাৰে নিশা ছয়জনীয়া ডকাইতৰ দল এটাই বঙাইগাঁও পৰা বিলাসীপাৰা অভিমুখে অহা থকাৰ তথ্য লাভ কৰিছিল আৰক্ষীয়ে। ইয়াৰ পিছতে বিলাসীপাৰা মহকুমা আৰক্ষীয়ে ১৭নং ৰাষ্ট্ৰীয় ঘাইপথৰ ওপৰত চাপৰ থানা, শালকোচা আৰক্ষী চকী আৰু বিলাসীপাৰা বেলতলীত অভিযান চলায়। কিন্তু ডকাইতৰ ছয়জনীয়া দলে তিনিখন বাইকেৰে দ্ৰুতগতিত এখন এখনকৈ তালাচী চকী পাৰ হৈ আহিবলৈ আৰম্ভ কৰে।

অৱশেষত বাইকত অহা ডকাইতৰ দলটোৱে বেলতলীত আৰক্ষীক দেখি গুলীয়াই পলাবলৈ লওঁতেই পূৰ্বৰে পৰা উক্ত স্থানত খাপ পিটি থকা আৰক্ষীয়ে ওলোটাই গুলীচালনা কৰে।

আনহাতে, চাপৰৰ পৰা বাইকৰ পিছে পিছে খেদি অহা আৰক্ষীৰ দলেও  ডকাইতৰ দললৈ লক্ষ্য কৰি গুলী চালনা কৰে।

উক্ত গুলীয়াগুলিত এজন ডকাইতৰ শৰীৰত গুলী লাগি বাইকৰ পৰা পৰি যায়। গুলীবিদ্ধ হৈ বাইকৰ পৰা পৰি যোৱা ম’ষ্ট ৱাণ্টেড ডকাইত ছহিদুল ইছলাম ওৰফে ছাইদৰ আলী ওৰফে সুজি ওৰফে বগা ছহিদুল বুলি আৰক্ষীৰ সূত্ৰই জানিবলৈ দিয়ে। আনহতে গুলীবিদ্ধ ডকাইতটোৰ পৰা আৰক্ষীয়ে এটা অত্যাধুনিক পিষ্টল আৰু গুলী জব্দ কৰিবলৈ সক্ষম হয়।

আনহাতে দলটোৰ আন পাচঁটা ডকাইতে পলায়ন কৰিবলৈ সক্ষম হয়। আৰক্ষীয়ে গুলীবিদ্ধ ডকাইতটোক প্ৰথমে বিলাসীপাৰা চিকিৎসালয় আৰু পিছত ধুবুৰী অসামৰিক চিকিৎসালয়লৈ লৈ আহে যদিও ধুবুৰী অসামৰিক চিকিৎসালয়ত ডকাইতটোৰ মৃত্যু হোৱা বুলি চিকিৎসকে ঘোষণা কৰে।

বিলাসীপাৰা আৰু চাপৰ আৰক্ষীয়ে ডকাইতৰ দলটোলৈ ৯ জাঁই গুলী চলাইছিল বুলি আৰক্ষী অধীক্ষক অভিজিৎ গৌৰৱে জানিবলৈ দিয়ে। উক্ত গুলীচালনাৰ ঘটনাত ছইদৰ আলী নামৰ ডকাইতটোৰ দেহত গুলী লগাত বাইকৰ পৰা বাগৰি পৰে আৰু পুৱতি নিশা ধুবুৰী অসামৰিক চিকিৎসালয়ত মৃত্যু হয়।

উল্লেখযোগ্য যে পূৰ্বে ছাইদৰ আলীয়ে চাৰিটাকৈ ডকাইতিৰ গোচৰত অভিযুক্ত আছিল।পলাই যোৱা আন পাঁচটা ডকাইতক বিচাৰি আৰক্ষীৰ অভিযান অব্যাহত আছে। আৰক্ষীৰ গুলীচালনাত মৃত্যু হোৱা ডকাইতটোৰ বিৰুদ্ধে ধুবুৰীৰ চাপৰ থানাত তিনিটা গোচৰ আৰু বঙাইগাঁৱৰ অভয়াপুৰী থানাত এটা গোচৰ চলি আছিল।
Published by: Sanjay Kumar Das
First published: September 12, 2021, 3:56 PM IST
আৰু চাওক
পৰৱৰ্তী বাতৰি

শেহতীয়া বাতৰি