লকডাউনৰ মাজতে কৰিমগঞ্জত জঘন্য ঘটনা, কণমানিক নিৰ্যাতন গেলামাল দোকানীৰ

কৰিমগঞ্জ জিলাৰ পাথাৰকান্দি চিবেৰগুল আৰক্ষী থানাৰ অধীনত দেওবাৰে সংঘটিত হ’ল ঘৃণনীয় ঘটনা৷ বিকৃত মানসিকতাৰ এজন লোকে নিৰ্যাতন চলালে ৯ বছৰীয়া কন্যা শিশুক৷ লকডাউনৰ বাবে শিশুটিয়ে ঘৰৰ কিছু সামগ্ৰী অনাৰ বাবে সমীপৰে ৫১ বছৰীয়া মুন্না কানুৰ গেলামালৰ দোকানলৈ গৈছিল৷ দোকানত অন্য গ্ৰাহক নথকাৰ সুযোগ গ্ৰহন কৰিলে  বিকৃত মানসিকতাৰ মুন্না কানুৱে ৷ শিশুটি দোকানৰ পৰা বস্তু নিবলৈ আহোতেই দোকানৰ ভিতৰত চলালে নিৰ্যাতন ৷

শিশুটিৰ চিঞৰ শুনি স্থানীয় লোক উপস্থিত হৈ অৱগত কৰে স্থানীয় আৰক্ষীক ৷ আৰক্ষী ঘটনাস্থলীত উপস্থিত হৈ আটক কৰে অভিযুক্ত মুন্না কানুক৷ অভিযুক্ত মুন্না কানু সেই অঞ্চলটোৰ প্ৰভাবশালী ব্যক্তি৷ যাৰ বাবে স্থানীয় লোকৰ সন্দেহ হৈছিল যে অপৰাধৰ বাবে আইনৰ হাতৰ পৰা বাচি যাব৷ অৱশেষত আৰক্ষীয়ে গ্ৰেপ্তাৰ কৰি জে’ল হাজোতলৈ প্ৰেৰণ  কৰে মুন্না কানুক৷