''কংগ্ৰেছত আছে কাপুৰুষ, ভৰি চেলেকা গোলাম নেতা''- জে'ল ফেৰৎ শ্বেৰমান আলীৰ বিস্ফোৰণ!

এটাৰ পিছত আনটো বিস্ফোৰক মন্তব্য জে'ল ফেৰৎ কংগ্ৰেছী বিধায়ক শ্বেৰমান আলী আহমেদৰ (Congress MLA Sherman Ali) ৷ অসম আন্দোলনৰ শ্বহীদক অপমান কৰি জে'ললৈ যাবলগীয়া হোৱা বাঘবৰ সমষ্টিৰ বিধায়ক শ্বেৰমান আলী আহমেদে বুধবাৰে তুলিলে প্ৰদেশ কংগ্ৰেছৰ দুজন নেতাৰ বিৰুদ্ধে বিস্ফোৰক অভিযোগ । শ্বেৰমানৰ দাবী- “AICCক দুজনমান নেতাই দিছিল শ্বেৰমানৰ বিৰুদ্ধে অভিযোগ ৷ এই নেতাৰ বিৰুদ্ধে ব্যৱস্থা লওক ৷”

তেওঁৰ মতে, দলত আছে 'হয় হুজুৰ' কৰা নেতা ৷ ক্ষুব্ধ শ্বেৰমানৰ দাবী- “দলত আছে ভৰি চেলেকা নেতা ৷ ভৰি চেলেকা নেতাৰ কথা শুনিলে দলৰ অৱস্থা বেয়া হ'ব ৷”

বিগত বিধানসভাত চৰ-চাপৰি আৰু সংখ্যালঘুৰ জনসংখ্যা বিষয়ক বিধেয়ক উত্থাপন কৰাৰ বাবেই দলীয় নেতাৰ আক্ৰোশৰ বলি হ'ল হেনো শ্বেৰমান ৷ এতিয়া শ্বেৰমানৰ দাবী- “AICCক অভিযোগ দিয়া নেতাৰ বিৰুদ্ধে ব্যৱস্থা লওক ৷ কাপুৰুষ নেতাৰ বিৰুদ্ধে ব্যৱস্থা ল'লেহে বিধেয়ক প্ৰত্যাহাৰ কৰিম ৷”

শ্বেৰমান আলী আহমেদ ইমানতেই শান্ত নাথাকিল ৷ দলীয় নেতাৰ (Congress leaders) বিৰুদ্ধে পুনৰ ক'লে- “নিজে একো কৰিব নোৱাৰে, বেলেগে কৰিলে জ্বলে তেওঁলোক ৷ তেওঁলোকৰ মূৰত একো নাই ৷ এইসকল ভৰি চেলেকা, গোলামৰ বিৰুদ্ধে দলে ব্যৱস্থা লওক ৷ নহ'লে দল আৰু ডুবিব৷”

এনেদৰেই নিজৰ মনত পঞ্জীভুত হৈ থকা ক্ষোভ বুধবাৰে অসম বিধানসভাৰ (Assam Assembly) চৌহদত সাংবাদিকৰ সন্মুখত প্ৰকাশ কৰিলে শ্বেৰমান আলী আহমেদে ৷

Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese