মৰিয়নীৰ পৰা গোলাঘাটলৈ চাইকেলেৰে ৰূপজ্যোতি কুৰ্মী, মহিলা আৰক্ষীক বলাৎকাৰৰ ঘটনাৰ কৰিব প্ৰতিবাদ

News18 Assam | News18-Assam
Updated:October 19, 2020, 5:35 PM IST
মৰিয়নীৰ পৰা গোলাঘাটলৈ চাইকেলেৰে ৰূপজ্যোতি কুৰ্মী, মহিলা আৰক্ষীক বলাৎকাৰৰ ঘটনাৰ কৰিব প্ৰতিবাদ
বিধায়কগৰাকীয়ে বিজেপি আৰু অসমৰ মুখ্যমন্ত্ৰীকে ধৰি কাৰো ওপৰতে অসমবাসীয়ে ভৰসা কৰি লাভ নাই বুলি উল্লেখ কৰে।

বিধায়কগৰাকীয়ে বিজেপি আৰু অসমৰ মুখ্যমন্ত্ৰীকে ধৰি কাৰো ওপৰতে অসমবাসীয়ে ভৰসা কৰি লাভ নাই বুলি উল্লেখ কৰে।

  • Share this:
সোমবাৰে বিয়লি মৰিয়নীৰ বিধায়ক ৰূপজ্যোতি কুৰ্মীয়ে চাইকেলেৰে যাত্রা কৰে গোলাঘাট জিলাৰ দেৰগাঁওলৈ। বিধায়কগৰাকীয়ে মৰিয়নীৰ পৰা দেৰগাঁৱলৈ ৪৫  কিলোমিটাৰ পথ চাইকেলেৰে যাত্ৰা কৰি দেৰগাঁও আৰক্ষী প্ৰশিক্ষণ মহাবিদ্যালয়ৰ সন্মুখত ধূপ–বন্তি জ্বলাই বিজেপি চৰকাৰৰ বিৰুদ্ধে এক প্ৰতিবাদী কাৰ্যসূচী গ্ৰহণ কৰিব।

বিধায়কগৰাকীয়ে দেৰগাঁও আৰক্ষী প্ৰশিক্ষণ মহাবিদ্যালয়ত আৰক্ষী বিষয়াৰ দ্বাৰাই মহিলা আৰক্ষী বিষয়া বলাৎকাৰৰ বলি হ'বলগীয়া হোৱা ঘটনাৰ প্ৰতিবাদ জনাই এনে ঘটনা পুনৰাবৃত্তি নোহোৱাৰ কামনাৰে দেৰগাঁও আৰক্ষী প্ৰশিক্ষণ মহাবিদ্যালয়ৰ সন্মুখত ধূপ–বন্তি জ্বলাই ভগৱন্তৰ চৰণত সেৱা জনাই প্ৰতিবাদ কৰিবলৈ মৰিয়নীৰ পৰা চাইকেল চলাই দেৰগাঁৱলৈ ৰাওনা হোৱা বুলি জানিবলৈ দিয়ে।

বিধায়কগৰাকীয়ে বিজেপি আৰু অসমৰ মুখ্যমন্ত্ৰীকে ধৰি কাৰো ওপৰতে অসমবাসীয়ে ভৰসা কৰি লাভ নাই বুলি উল্লেখ কৰা লগতে অসমত এজনো বিশ্বাসযোগ্য মন্ত্ৰী নাই বুলি মন্তব্য কৰে।

আনহাতে মন্ত্ৰী হিমন্ত বিশ্ব শৰ্মাই গামোচাৰ ওপৰত উঠি বন্ত জ্বলোৱা কাৰ্যকো সমালোচনা কৰে। হিমন্ত বিশ্ব শৰ্মাই এতিয়া গামোচাক সন্মান নকৰে বুলি মন্ত্ৰীগৰাকীক কটাক্ষ কৰি অসমৰ ৰাইজৰ বাবে ভগৱন্তই শেষ ভৰষা বুলি ৰূপজ্যোতি কুৰ্মীয়ে মন্তব্য কৰে।
Published by: Sanjay Kumar Das
First published: October 19, 2020, 5:35 PM IST
আৰু চাওক
পৰৱৰ্তী বাতৰি

শেহতীয়া বাতৰি