‘অসমীয়াক আক্ৰমণ কৰিলে হাতত বন্দুক নলৈ ধৰ্মগ্ৰন্থ লৈ যাম নেকি?’- ৰিপুণ বৰাক উভতি ধৰিলে পদ্ম হাজৰিকাই

News18 Assam | News18-Assam
Updated:August 1, 2020, 8:11 PM IST
‘অসমীয়াক আক্ৰমণ কৰিলে হাতত বন্দুক নলৈ ধৰ্মগ্ৰন্থ লৈ যাম নেকি?’- ৰিপুণ বৰাক উভতি ধৰিলে পদ্ম হাজৰিকাই
মোৰ গাত অসমীয়াৰ তেজ আছে, অসমীয়া জাতিৰ বাবে যিকোনো পৰ্যায়লৈকে যাবলৈ মই কুণ্ঠাবোধ নকৰো ৷- মন্তব্য চতিয়াৰ বিধায়ক পদ্ম হাজৰিকাৰ

মোৰ গাত অসমীয়াৰ তেজ আছে, অসমীয়া জাতিৰ বাবে যিকোনো পৰ্যায়লৈকে যাবলৈ মই কুণ্ঠাবোধ নকৰো ৷- মন্তব্য চতিয়াৰ বিধায়ক পদ্ম হাজৰিকাৰ

  • Share this:
প্ৰদেশ কংগ্ৰেছৰ সভাপতি ৰিপুণ বৰাক উভতি ধৰিলে চতিয়াৰ বিধায়ক পদ্ম হাজৰিকাই ৷ বৃহস্পতিবাৰে শোণিতপুৰ জিলাৰ জামুগুৰিহাটৰ চকীঘাটত খিলঞ্জীয়াৰ ওপৰত দা- লাঠি লৈ জপিয়াই পৰিছিল সন্দেহজনক লোক। পৰিস্থিতি নিয়ন্ত্ৰণৰ বাবে ঘটনাস্থলীত হাতত চৰকাৰী অনুজ্ঞাপত্ৰ থকা বন্দুকলৈ উপস্থিত হৈছিল বিধায়ক পদ্ম হাজৰিকা।

আৰু এনেদৰে হাতত পদ্ম হাজৰিকাই বন্দুক লৈ যোৱাৰ প্ৰসংগত সমালোচনা কৰি চতিয়াত বিহাৰ-উত্তৰ প্ৰদেশৰ দৰে পদ্ম হাজৰিকাই মাফিয়াৰাজ চলাইছে বুলি মন্তব্য কৰিছিল প্ৰদেশ কংগ্ৰেছৰ সভাপতি ৰিপুণ বৰাই।

শণিবাৰে খুমটাইৰ বিধায়ক মৃণাল শইকীয়াক লগত লৈ পুনৰ চকীঘাটত উপস্থিত হোৱা বিধায়ক পদ্ম হাজৰিকাই ৰিপুণ বৰাক ওলোটাই প্ৰশ্ন কৰে যে, অসমীয়া যুৱকৰ তেজৰে ৰাঙলী হোৱা চকী ঘাটত হাতত বন্দুক নলৈ কি কৰিব লাগিছিল মই?  খিলঞ্জীয়া যুৱকক আক্ৰমণ কৰা স্থানলৈ মই কি ধৰ্ম গ্ৰন্থ লৈ যাব লাগিছিল নেকি?’

হাজৰিকাই লগতে মন্তব্য কৰে যে, হয়তো ৰিপুণ বৰাই নাজানে আত্মৰক্ষাৰ বাবে চৰকাৰে বন্দুকৰ অনুজ্ঞাপত্ৰ দিছে মোক৷ বন্দুকটো সজাই থবলৈ দিয়া নাই৷ প্ৰয়োজনত আত্মৰক্ষাৰ বাবে মই ব্যৱহাৰ কৰিব পাৰো৷ থলুৱা যুৱকক সুৰক্ষা দিবলৈ আহোতে যদি মোক আক্ৰমণ কৰে তেওঁলোকৰ ওচৰত মই হাত দাঙি ডিঙিটো পাতি দিবটো নোৱাৰো ৷ মোৰ গাত অসমীয়াৰ তেজ আছে, অসমীয়া জাতিৰ বাবে যিকোনো পৰ্যায়লৈকে যাবলৈ মই কুণ্ঠাবোধ নকৰো ৷ অসমৰ যুৱকক ৰক্ষা কৰিবলৈ অসমৰ যুৱকক মাটিৰ অধিকাৰ দিবলৈ মই সদায় দৃঢ় প্ৰতিজ্ঞ ৷’
Published by: Himangshu Bhuyan
First published: August 1, 2020, 8:05 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading