ঈশান–ইভানৰ ঘৰলৈ গৈ ফটোৰ বাবে প’জ দিলে AIUDFৰ বিধায়ক আমিনুল ইছলামে, সৰ্বত্ৰ ধিক্কাৰ

ধিং বিধানসভা সমষ্টিৰ বিধায়ক আমিনুল ইছলামক সৰ্বত্ৰ ধিক্কাৰ। মহানগৰৰ ৱায়াৰলেছত সংঘটিত হোৱা বিধ্বংসী আগ্নিকাণ্ডত প্ৰাণ হেৰুওৱা দুই কণমানি ঈশান আৰু ইভানৰ ঘৰত উপস্থিত হৈছিল বিধায়ক ইছলাম। কিন্তু তেনে এক শোকাকুল পৰিৱেশৰ মাজতো বিধায়কজনে লগত লৈ যোৱা এজন অনুগতক ফটো মাৰিবলৈ দি প’জ দিয়া দৃশ্য ছচিয়েল মিডিয়াত ভাইৰেল হৈ পৰাৰ পিছত এতিয়া সকলোৱে একেমুখে গৰিহনা দিছে।