Firing at Assam-Mizoram Border : অসম-মিজোৰাম সীমান্তত মিজো দুষ্কৃতিকাৰীয়ে গুলীয়ালে অসম আৰক্ষীলৈ, কাছাৰ উপায়ুক্তৰ বাহনতো আক্ৰমণ।

অসম-মিজোৰাম সীমান্ত (Assam-Mizoram Border)ৰ লায়লাপুৰত পুনৰ উত্তপ্ত পৰিস্থিতি। মিজো দুষ্কৃতিকাৰীয়ে গুলীয়ালে অসম আৰক্ষীলৈ, আক্ৰমণ কৰিলে কাছাৰ উপায়ুক্তৰ বাহনত।

মিজো আৰক্ষীৰ গুলীত আহত ৭জন অসম আৰক্ষীৰ জোৱান ৷ মিজোসকলে আক্ৰমণ কৰি চুৰমাৰ কৰে কাছাৰৰ জিলা উপায়ুক্তৰ বাহন ৷ ঘটনাৰ পিছতে পৰিস্থিতি মোকাবিলাৰ বাবে সীমান্তত অসম আৰক্ষীৰ বিশাল বাহিনী মোতায়েন কৰা হয়।

অসমৰ ভূমিৰ পৰা মিজোসকলক খেদিবলৈ যাওঁতে মিজোসকলে আক্ৰমণ চলায় বুলি জানিব পৰা গৈছে ৷ জানিব পৰা মতে মিজোৰামৰ ফালৰ পৰা এৰা-ধৰাকৈ গুলীবৰ্ষণ হৈ আছে। যিকোনো পৰিস্থিতি নিয়ন্ত্ৰণৰ বাবে সাজু হৈ আছে অসম আৰক্ষী ৷

গুলীচালনাত আহত সাতজন অসম আৰক্ষীৰ জোৱানক শিলচৰ মেডিকেল কলেজ হাস্পতাললৈ প্ৰেৰণ কৰা হৈছে।