হাইলাকান্দিত লম্পট যুৱকৰ কামনাৰ বলি হ’ল ১০ বছৰীয়া ছাত্ৰী

হাইলাকান্দিত জঘন্য ঘটনা। ২৫ বছৰীয়া যুৱকৰ কামনাৰ বলি এগৰাকী তৃতীয় শ্ৰেণীৰ ছাত্ৰী। হাইলাকান্দি জিলাৰ আলগাপুৰ সমষ্টিৰ চণ্ডীপুৰ এলেকাত সংগঠিত হয় এই ঘটনা। নিশা প্ৰথমে কিশোৰীগৰাকীক হাইলাকান্দি এছ কে ৰয় অসামৰিক হাস্পতালত চিকিৎসাৰ বাবে লৈ অহা হয়। পিছত সংকটজনক অৱস্থাত শিলচৰ চিকিৎসা মহাবিদ্যালয় হাস্পতাললৈ প্ৰেৰণ কৰা হয়। বৰ্তমান সংকটজনক অবস্থাত SMCHত চিকিৎসাধীন হৈ আছে কিশোৰীগৰাকী। শুকুৰবাৰে সন্ধিয়া সংগঠিত হয় এই ঘটনা।

ইপিনে, নিশাৰ ভিতৰতে হাইলাকান্দি আৰক্ষীয়ে গ্ৰেপ্তাৰ কৰে অভিযুক্ত যুৱক বাহাৰুল ইছল‍ামক। এই ঘটনাক কেন্দ্ৰ কৰি উত্তেজনাময় পৰিস্থিতিৰ সৃষ্টি হয় আলগাপুৰ অঞ্চলত।