BJP Bike Rally: বৰপেটাৰোডত বিজেপিৰ বাইক ৰেলীত মন্ত্ৰী ৰণজিত কুমাৰ দাস

বৰপেটাৰোড গোৱৰ্ধনা আৰু চকচকা মণ্ডল বিজেপিৰ উদ্যোগত আৰু বিজেপিৰ যুৱ মৰ্চাৰ
বৰপেটা জিলা সমিতিৰ সহযোগত মঙ্গলবাৰে অনুষ্ঠিত বিজেপিৰ বাইক ৰেলী (BJP Rally)ত অংশ লয় মন্ত্ৰী ৰণজিৎ কুমাৰ দাসে ৷ মন্ত্ৰী গৰাকীয়ে কয়, 'হৰ ঘৰ ত্ৰিৰংগা (Har Ghar Tiranga) কাৰ্যসূচীকলৈ সমগ্ৰ অসমতে তোলপাৰ লাগিছে ৷ যুৱ মৰ্চাৰ উদ্যোগত সৰ্বভাৰতীয় পৰ্যায়ৰ লগতে সমগ্ৰ অসমতে বাইক ৰেলী কৰি সজাগতা সৃষ্টিৰ প্ৰয়াস কৰিছে ৷ স্বাধীনতা দিৱস উপলক্ষে ৰাইজৰ মাজত জাগৰণ সৃষ্টি হোৱা বুলিও উল্লেখ কৰে ৷'

এই মূহৰ্তলৈকে অসমত ৫৩ লাখ ত্ৰিৰংগা পতাকা (National Flag) বিক্ৰী হোৱাত মন্ত্ৰী ৰণজিৎ কুমাৰ দাসে দেশৰ প্ৰধানমন্ত্ৰী নৰেন্দ্ৰ মোদী (Narendra Modi), ৰাজ্যৰ মুখ্যমন্ত্ৰী ড° হিমন্ত বিশ্ব শৰ্মা (Himanta Biswa Sarma)ৰ লগতে অসমবাসীক ধন্যবাদ জনায় ৷ অসম সমবায় সমিতি আৰু আত্মসহায়ক গোটৰ জৰিয়তে ৫৩ লাখ ত্ৰিৰংগা পতাকা বিক্ৰী হোৱা বুলি কয় মন্ত্ৰী ৰণজিৎ কুমাৰ দাসে ৷ সাংস্কৃতিক প্ৰকল্পৰ জৰিয়তে ৪৩ হাজাৰ সূলভ মূল্যৰ দোকানৰ জৰিয়তে ৰেহাই মূল্যত আৰু ২০ লাখ ত্ৰিৰংগা ইতিমধ্যে বিক্ৰী হৈছে বুলিও কয় ৷

অসমত বৰ্তমান ৬৫ লাখ পৰিয়াল আছে ৷ তাৰ ভিতৰত ৫৩ লাখ ত্ৰিৰংগা বিক্ৰী হৈছে ৷ বাকী ১০ লাখ পৰিয়ালে এইকেইদিনত ক্ৰয় কৰিব আৰু ঘৰে ঘৰে লগাব বুলিও কয় মন্ত্ৰী ৰণজিৎ কুমাৰ দাসে ৷

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।