Pijush Hazarika : কংগ্ৰেছত এতিয়া কোনো থাকিব নোৱাৰে, কংগ্ৰেছ লাহে লাহে নাইকীয়া হৈ যাব, ক’লে মন্ত্ৰী পীযূষ হাজৰিকাই

কংগ্ৰেছত এতিয়া কোনো থাকিব নোৱাৰে, কংগ্ৰেছ লাহে লাহে নাইকীয়া হৈ যাব৷ এই মন্তব্য মন্ত্ৰী পীযূষ হাজৰিকাৰ৷ কংগ্ৰেছ নেত্ৰী সুস্মিতা দেৱৰ দল ত্যাগক লৈ প্ৰতিক্ৰিয়া ব্যক্ত কৰি মন্ত্ৰী পীযূষ হাজৰিকাই ক’লে, ‘‘কংগ্ৰেছ কোনো থাকিব নোৱাৰে৷ ইয়াৰ বাবে আমি আগতেই ওলাই আহিছিলো৷ সুশান্ত বৰগোহাঁইৰ পিছত এইবাৰ সুস্মিতা দেৱ ওলাই আহিল। গতিকে কংগ্ৰেছত এতিয়া কোনো থাকিব নোৱাৰে৷’’

চিৰাং জিলাৰ বিজনীত শেহতীয়া বানত ক্ষতিগ্ৰস্ত মথাউৰিসমূহ পৰিদৰ্শন কৰি মন্ত্ৰী পীযূষ হাজৰিকাই এই মন্তব্য কৰে। মন্ত্ৰীজনে বানত ক্ষতিগ্ৰস্ত মথাউৰিসমূহ তৎক্ষণিকভাৱে মেৰামতিৰ বাবে নিৰ্দেশ দিয়া বুলি জানিবলৈ দিয়ে৷

ইফালে, বিটিআৰৰ মুখ্য কাৰ্যবাহী প্ৰমোদ বড়োৱে সংশ্লিষ্ট বিভাগসমূহে সময়মতে প্ৰতিবেদন প্ৰেৰণ নকৰাৰ বাবেই বান-খহনীয়াত মথাউৰিসমূহ ক্ষতিগ্ৰস্ত হ’বলগীয়া হৈছে বুলি মন্তব্য কৰে৷ খহনীয়া প্ৰতিৰোধৰ বাবে আগন্তুক বৰ্ষৰ পৰা কাৰ্যকৰী হোৱাকৈ এক মাষ্টাৰ প্লেন প্ৰস্তুত কৰা বুলিও তেওঁ জানিবলৈ দিয়ে৷

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।