ৰাজনীতিৰ ন্যূনতম জ্ঞানো নাই কমল মেধিৰ, প্ৰথমে ৰাজনীতিৰ জ্ঞান লওক – কিয় ক’লে পীযূষ হাজৰিকাই?

News18 Assam | News18-Assam
Updated:January 5, 2021, 5:01 PM IST
ৰাজনীতিৰ ন্যূনতম জ্ঞানো নাই কমল মেধিৰ, প্ৰথমে ৰাজনীতিৰ জ্ঞান লওক – কিয় ক’লে পীযূষ হাজৰিকাই?
কংগ্ৰেছ আৰু এআইইউডিএফ দলকো কঠোৰ ভাষাৰে সমালোচনা কৰে পীযূষ হাজৰিকাই৷

কংগ্ৰেছ আৰু এআইইউডিএফ দলকো কঠোৰ ভাষাৰে সমালোচনা কৰে পীযূষ হাজৰিকাই৷

  • Share this:
অসমৰ ৰাজনৈতিক মানচিত্ৰৰ বিষয়ে নজনা মানুহে অসম কেনেকৈ চলাব? কংগ্ৰেছ এৰি ৰাইজৰ দলত যোগদান কৰা কমল মেধিক কটাক্ষ মন্ত্ৰী পীযূষ হাজৰিকাৰ৷ ৰাজনীতিৰ ন্যূনতম জ্ঞান নাই তথাকথিত নেতা কমল মেধিৰ ৷ প্ৰথমে কমল মেধিক ৰাজনীতিৰ জ্ঞান ল’বলৈ আহ্বান মন্ত্ৰীগৰাকীৰ৷

উল্লেখ্য যে মুখ্যমন্ত্ৰী সৰ্বানন্দ সোণোৱাল যি সমষ্টিতে নিৰ্বাচনত অৱতীৰ্ণ হ’ব অখিল গগৈয়েও সেই সমষ্টিৰ পৰা প্ৰতিদ্বন্দ্বিতা আগবঢ়াব বুলি মন্তব্য কৰিছিল কমল মেধিয়ে৷ যিহেতু মুখ্যমন্ত্ৰী সৰ্বানন্দ সোণোৱাল এগৰাকী জনগোষ্ঠীয় ব্যক্তি, সেয়ে অনুসূচিত জাতিৰ বাবে সংৰক্ষিত সমষ্টিতহে প্ৰতিদ্বন্দ্বিতা আগবঢ়াব পাৰিব৷ কিন্তু সেই সমষ্টিত সাধাৰণ শ্ৰেণীৰ ব্যক্তি অখিল গগৈ কেনেদৰে নিৰ্বাচনত অৱতীৰ্ণ হ’ব বুলি প্ৰশ্ন কৰে মন্ত্ৰীগৰাকীয়ে৷

ইফালে, কংগ্ৰেছ আৰু এআইইউডিএফ দলকো কঠোৰ ভাষাৰে সমালোচনা কৰে পীযূষ হাজৰিকাই৷ অখিল গগৈ নামৰ ইনজেকচন ন’ললে হেনো চলিব নোৱাৰে কংগ্ৰেছ-এআইইউডিএফ দলে৷ বিটিচি আৰু তিৱা স্বায়ত্ত পৰিষদীয় নিৰ্বাচনত এখনকৈ আসনৰ উদ্ধৃতি দি কংগ্ৰেছ দলে বিগত সময়ত ৰাইজৰ বাবে কাম নকৰাৰ প্ৰত্যুত্তৰ ৰাইজে প্ৰতিটো নিৰ্বাচনত দি আছে বুলি কটাক্ষ কৰে মন্ত্ৰী পীযূষ হাজৰিকাই৷ লগতে অজন্তা নেওগে বিজেপিত যোগদান কৰাৰ লগে লগে কংগ্ৰেছৰ আৰু এখন আসনত বিজেপিৰ হাতলৈ আহিল বুলিও কয় পীযূষ হাজৰিকাই৷

আনহাতে অখিল গগৈক লৈ কোনো চিন্তাৰ কাৰণ বিজেপিৰ নাই ৷ অখিল গগৈ, কংগ্ৰেছ, এ আই ইউ ডি এফ কোনেও চৰকাৰ গঠন কৰিব নোৱাৰে, অসমৰ ৰাইজ বিজেপিৰ লগত আছে আৰু ২০২১ ত অসমত পূনৰ বিজেপিয়েই চৰকাৰ গঠন কৰিব ৷ অৱশ্যে য’ত বদৰুদ্দিন আজমলৰ সমৰ্থন আছে সেই আসনত কংগ্ৰেছ জয়ী হব বুলিও মন্তব্য কৰে জাগীৰোড সমষ্টিৰ বিধায়ক তথা অসম চৰকাৰৰ মন্ত্ৰী পীযূষ হাজৰিকাই ৷

উল্লেখ্য যে মঙ্গলবাৰে জাগীৰোডৰ জাগীভকতগাওঁ সমূহীয়া ভৱনত অনুষ্ঠিত এক সভাত অগপ আৰু কংগ্ৰেছ দলৰ পৰা প্ৰায় পাঁচ শতাধিক কৰ্মীয়ে বিজেপি দলত যোগদান কৰে ৷
Published by: Sanjay Kumar Das
First published: January 5, 2021, 5:01 PM IST
আৰু চাওক
পৰৱৰ্তী বাতৰি

শেহতীয়া বাতৰি