চীনৰ পৰা আহিছে গাহৰি ৰোগৰ বীজানু!

News18 Assam | News18-Assam
Updated:April 28, 2020, 11:14 PM IST
চীনৰ পৰা আহিছে গাহৰি ৰোগৰ বীজানু!
পশুপালন বিভাগৰ মন্ত্ৰী অতুল বৰাই জনালে এই কথা ৷ 

পশুপালন বিভাগৰ মন্ত্ৰী অতুল বৰাই জনালে এই কথা ৷ 

  • Share this:
‘চীনৰ পৰা আহিছে গাহৰি ৰোগৰ বীজানু ৷ চীন-তীব্বতত বেমাৰী গাহৰি উটুৱাই দিছিল পানীত ৷ জোনাইত প্ৰথম সংক্ৰমিত হৈছে গাহৰি ৷ অৰুণাচলত ধৰা পৰিছে আফ্ৰিকান শ্বোৱাইন ফ্লু ৷ চিকিৎসকৰ সেয়ে ধাৰণা চীনৰ পৰা আহিছে ৰোগৰ বীজানু ৷ ভূপালৰ পৰা আজি বা কাইলৈ আহিব ছেম্প'ল পৰীক্ষাৰ ৰিজাল্ট ৷ অসমত বৰ্তমান ৮০০০ বনৰীয়া গাহৰি আছে ৷ বনৰীয়া গাঁহৰি সংক্ৰমিত হ'বলৈ হ'লে ভয়াৱহ হ'ব ৷’- এই মন্তব্য কৰিছে পশুপালন মন্ত্ৰী অতুল বৰাই।

ৰাজ্যত অস্বাভাৱিক ৰূপত বৃদ্ধি পাইছে গাহৰিৰ মৃত্যু ৷  যাৰ বাবে ধেমাজি, শিৱসাগৰ, ডিব্ৰুগড়, লখিমপুৰ,  বিশ্বনাথ, যোৰহাটত বন্ধ আছে গাহৰিৰ বিক্ৰী ৷ গাহৰিৰ এই অস্বাভাৱিক মৃত্যুক লৈ উদ্বিগ্ন হৈ পৰা পশুপালন মন্ত্ৰী অতুল বৰাই মঙলবাৰে স্পষ্ট কৰি দিলে, উপৰোক্ত ছখন জিলাক বাদ দি আন জিলা সমূহত গাহৰি মাংসৰ বিক্ৰী আৰু খোৱাত নাই নিষেধাজ্ঞা ৷

‘ভেকচিন দিয়াৰ কাম আৰম্ভ কৰিম আমি ৷ তিনি লাখ ড'জ ভেকচিন দিয়া হ'ব ৷ দানা পৰিবহনত কোনো অসুবিধা নাই, প্ৰভাৱিত জিলাত এখন ফাৰ্মৰ পৰা আন এখন ফাৰ্মলৈ দানা নিয়াত অসুবিধা আছে ৷ ছখন এফেক্টেড জিলাৰ পৰা সৰবৰাহ নহয় গাহৰি ৷ তিনিটা লেবত চলি আছে বৰ্তমান ছেম্পল পৰীক্ষা ৷’ পশুপালন বিভাগৰ মন্ত্ৰী অতুল বৰাই জনালে এই কথা ৷
Published by: Himangshu Bhuyan
First published: April 28, 2020, 11:14 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading